Канон покаянный ко господу андрея критского понедельник. Канон прп. Андрея Критского в понедельник первой седмицы Великого Поста. Преподобне отче Андрее, моли Бога о нас
Покаянный Канон Андрея Критского
Текст Великого Канона в HTML формате:
Церковно-славянский текст Великого Канона с русским переводом, приложением библейских повествований и житием преп. Андрея Критского в PDF формате:
В понедельник первой седмицы Великого поста
Песнь 1
Ирмос:
Припев:
Откуду начну плакати окаяннаго моего жития деяний? кое ли положу начало, Христе, нынешнему рыданию? но, яко благоутробен, даждь ми прегрешений оставление.
Гряди, окаянная душе, с плотию твоею, Зиждителю всех исповеждься и останися прочее преждняго безсловесия, и принеси Богу в покаянии слезы.
Первозданнаго Адама преступлению поревновав, познах себе обнажена от Бога и присносущнаго Царствия и сладости, грех ради моих.
Увы мне, окаянная душе, что уподобилася еси первей Еве? видела бо еси зле, и уязвилася еси горце, и коснулася еси древа, и вкусила еси дерзостно безсловесныя снеди.
Вместо Евы чувственныя мысленная ми бысть Ева, во плоти страстный помысл, показуяй сладкая и вкушаяй присно горькаго напоения.
Достойно из Едема изгнан бысть, яко не сохранив едину Твою, Спасе, заповедь Адам: аз же что постражду, отметая всегда животная Твоя словеса?
И ныне: Богородице, Надежде и Предстательство Тебе поющих, возьми бремя от мене тяжкое греховное, и, яко Владычица Чистая, кающася приими мя.
Песнь 2
Ирмос:
Вонми, Небо, и возглаголю, земле, внушай глас, кающийся к Богу и воспевающий Его.
Вонми ми, Боже, Спасе мой, милостивым Твоим оком и приими мое теплое исповедание.
Согреших паче всех человек, един согреших Тебе; но ущедри, яко Бог, Спасе, творение Твое.
Вообразив моих страстей безобразие, любосластными стремленьми погубих ума красоту.
Буря мя злых обдержит, благоутробне Господи; но яко Петру и мне руку простри.
Оскверних плоти моея ризу и окалях, еже по образу, Спасе, и по подобию.
Омрачих душевную красоту страстей сластьми и всячески весь ум персть сотворих.
Раздрах ныне одежду мою первую, юже ми изтка Зиждитель из начала, и оттуду лежу наг.
Облекохся в раздранную ризу, юже изтка ми змий советом, и стыждуся.
Слезы блудницы, Щедре, и аз предлагаю, очисти мя, Спасе, благоутробием Твоим.
Воззрех на садовную красоту и прельстихся умом: и оттуду лежу наг и срамляюся.
Делаша на хребте моем вси начальницы страстей, продолжающе на мя беззаконие их.
Песнь 3
Ирмос: На недвижимом, Христе, камени заповедей Твоих утверди мое помышление.
Огнь от Господа иногда Господь одождив, землю содомскую прежде попали.
На горе спасайся, душе, якоже Лот оный, и в Сигор угонзай.
Бегай запаления, о душе, бегай содомскаго горения, бегай тления Божественнаго пламене.
Согреших Тебе един аз, согреших паче всех, Христе Спасе, да не презриши мене.
Ты еси Пастырь добрый, взыщи мене, агнца, и заблуждшаго да не презриши мене.
Ты еси сладкий Иисусе, Ты еси Создателю мой, в Тебе, Спасе, оправдаюся.
Исповедаюся Тебе, Спасе, согреших, согреших Ти; но ослаби, остави ми, яко благоутробен.
Слава: О Троице Единице Боже, спаси нас от прелести, и искушений, и обстояний.
И ныне: Радуйся, Богоприятная утробо, радуйся, престоле Господень, радуйся, Мати Жизни нашея.
Песнь 4
Ирмос:
Дел Твоих да не презриши, создания Твоего да не оставиши, Правосуде. Аще и един согреших, яко человек, паче всякаго человека, Человеколюбче; но имаши, яко Господь всех, власть оставляти грехи.
Приближается, душе, конец, приближается, и нерадиши, ни готовишися, время сокращается: востани, близ при дверех Судия есть. Яко соние, яко цвет, время жития течет: что всуе мятемся?
Воспряни, о душе моя, деяния твоя, яже соделала еси, помышляй, и сия пред лице твое принеси, и капли испусти слез твоих; рцы со дерзновением деяния и помышления Христу и оправдайся.
Не бысть в житии греха, ни деяния, ни злобы, еяже аз, Спасе, не согреших, умом, и словом, и произволением, и предложением, и мыслию, и деянием согрешив, яко ин никтоже когда.
Отсюду и осужден бых, отсюду препрен бых аз, окаянный, от своея совести, еяже ничтоже в мире нужнейше: Судие, Избавителю мой и Ведче, пощади, и избави, и спаси мя, раба Твоего.
Лествица, юже виде древле великий в патриарсех, указание есть, душе моя, деятельнаго восхождения, разумнаго возшествия: аще хощеши убо деянием, и разумом, и зрением пожити, обновися.
Зной дневный претерпе лишения ради патриарх и мраз нощный понесе, на всяк день снабдения творя, пасый, труждаяйся, работаяй, да две жене сочетает.
Жены ми две разумей, деяние же и разум в зрении, Лию убо деяние, яко многочадную, Рахиль же разум, яко многотрудную; ибо кроме трудов ни деяние, ни зрение, душе, исправится.
Песнь 5
Ирмос:
В нощи житие мое преидох присно, тьма бо бысть, и глубока мне мгла, нощь греха, но яко дне сына, Спасе, покажи мя.
Рувима подражая, окаянный аз, содеях беззаконный и законопреступный совет на Бога Вышняго, осквернив ложе мое, яко отчее он.
Исповедаюся Тебе, Христе Царю: согреших, согреших, яко прежде Иосифа братия продавшии, чистоты плод и целомудрия.
От сродников праведная душа связася, продася в работу сладкий, во образ Господень: ты же вся, душе, продалася еси злыми твоими.
Иосифа праведнаго и целомудреннаго ума подражай, окаянная и неискусная душе, и не оскверняйся безсловесными стремленьми, присно беззаконнующи.
Аще и в рове поживе иногда Иосиф, Владыко Господи, но во образ погребения и востания Твоего: аз же что Тебе когда сицевое принесу?
Песнь 6
Ирмос:
Слезы, Спасе, очию моею и из глубины воздыхания чисте приношу, вопиющу сердцу: Боже, согреших Ти, очисти мя.
Уклонилася еси, душе, от Господа твоего, якоже Дафан и Авирон, но пощади, воззови из ада преисподняго, да не пропасть земная тебе покрыет.
Яко юница, душе, разсвирепевшая, уподобилася еси Ефрему, яко серна от тенет сохрани житие, вперивши деянием ум и зрением.
Рука нас Моисеова да уверит, душе, како может Бог прокаженное житие убелити и очистити, и не отчайся сама себе, аще и прокаженна еси.
Господи, помилуй. (Трижды.)
Слава, И ныне:
Кондак, глас 6:
Песнь 7
Ирмос:
Согреших, беззаконновах и отвергох заповедь Твою, яко во гресех произведохся, и приложих язвам струпы себе; но Сам мя помилуй, яко благоутробен, отцев Боже.
Тайная сердца моего исповедах Тебе, Судии моему, виждь мое смирение, виждь и скорбь мою, и вонми суду моему ныне, и Сам мя помилуй, яко благоутробен, отцев Боже.
Саул иногда, яко погуби отца своего, душе, ослята, внезапу царство обрете к прослутию; но блюди, не забывай себе, скотския похоти твоя произволивши паче Царства Христова.
Давид иногда Богоотец, аще и согреши сугубо, душе моя, стрелою убо устрелен быв прелюбодейства, копием же пленен быв убийства томлением; но ты сама тяжчайшими делы недугуеши, самохотными стремленьми.
Совокупи убо Давид иногда беззаконию беззаконие, убийству же любодейство растворив, покаяние сугубое показа абие; но сама ты, лукавнейшая душе, соделала еси, не покаявшися Богу.
Давид иногда вообрази, списав яко на иконе песнь, еюже деяние обличает, еже содея, зовый: помилуй мя, Тебе бо единому согреших всех Богу, Сам очисти мя.
И ныне: Поем Тя, благословим Тя, покланяемся Ти, Богородительнице, яко Нераздельныя Троицы породила еси Единаго Христа Бога, и Сама отверзла еси нам, сущим на земли, Небесная.
Песнь 8
Ирмос:
Согрешивша, Спасе, помилуй, воздвигни мой ум ко обращению, приими мя кающагося, ущедри вопиюща: согреших Ти, спаси, беззаконновах, помилуй мя.
Колесничник Илия колесницею добродетелей вшед, яко на небеса, ношашеся превыше иногда от земных: сего убо, душе моя, восход помышляй.
Елиссей иногда прием милоть Илиину, прият сугубую благодать от Бога; ты же, о душе моя, сея не причастилася еси благодати за невоздержание.
Иорданова струя первее милотию Илииною Елиссеем ста сюду и сюду; ты же, о душе моя, сея не причастилася еси благодати за невоздержание.
Соманитида иногда праведнаго учреди, о душе, нравом благим; ты же не ввела еси в дом ни странна, ни путника. Темже чертога изринешися вон, рыдающи.
Гиезиев подражала еси, окаянная, разум скверный всегда, душе, егоже сребролюбие отложи поне на старость; бегай геенскаго огня, отступивши злых твоих.
Песнь 9
Ирмос:
Ум острупися, тело оболезнися, недугует дух, слово изнеможе, житие умертвися, конец при дверех. Темже, моя окаянная душе, что сотвориши, егда приидет Судия испытати твоя?
Моисеово приведох ти, душе, миробытие, и от того все заветное Писание, поведающее тебе праведныя и неправедныя: от нихже вторыя, о душе, подражала еси, а не первыя, в Бога согрешивши.
Закон изнеможе, празднует Евангелие, Писание же все в тебе небрежено бысть, пророцы изнемогоша и все праведное слово; струпи твои, о душе, умножишася, не сущу врачу, исцеляющему тя.
Новаго привожду ти Писания указания, вводящая тя, душе, ко умилению: праведным убо поревнуй, грешных же отвращайся и умилостиви Христа молитвами же, и пощеньми, и чистотою, и говением.
Христос вочеловечися, призвав к покаянию разбойники и блудницы; душе, покайся, дверь отверзеся Царствия уже, и предвосхищают е фарисее и мытари и прелюбодеи кающиися.
Христос вочеловечися, плоти приобщився ми, и вся елика суть естества хотением исполни греха кроме, подобие тебе, о душе, и образ предпоказуя Своего снисхождения.
Христос волхвы спасе, пастыри созва, младенец множества показа мученики, старцы прослави и старыя вдовицы, ихже не поревновала еси, душе, ни деянием, ни житию, но горе тебе, внегда будеши судитися.
Постився Господь дний четыредесять в пустыни, последи взалка, показуя человеческое; душе, да не разленишися, аще тебе приложится враг, молитвою же и постом от ног твоих да отразится.
Припев:
Андрее честный и отче треблаженнейший, пастырю Критский, не престай моляся о воспевающих тя: да избавимся вси гнева и скорби, и тления, и прегрешений безмерных, чтущии твою память верно.
Таже оба лика вкупе поют Ирмос:
Во вторник первой седмицы Великого поста
Песнь 1
Ирмос:
Припев: Помилуй мя, Боже, помилуй мя.
Каиново прешед убийство, произволением бых убийца совести душевней, оживив плоть и воевав на ню лукавыми моими деяньми.
Авелеве, Иисусе, не уподобихся правде, дара Тебе приятна не принесох когда, ни деяния божественна, ни жертвы чистыя, ни жития непорочнаго.
Яко Каин и мы, душе окаянная, всех Содетелю деяния скверная, и жертву порочную, и непотребное житие принесохом вкупе: темже и осудихомся.
Брение Здатель живосоздав, вложил еси мне плоть и кости, и дыхание, и жизнь; но, о Творче мой, Избавителю мой и Судие, кающася приими мя.
Извещаю Ти, Спасе, грехи, яже содеях, и души и тела моего язвы, яже внутрь убийственнии помыслы разбойнически на мя возложиша.
Аще и согреших, Спасе, но вем, яко Человеколюбец еси, наказуеши милостивно и милосердствуеши тепле: слезяща зриши и притекаеши, яко отец, призывая блуднаго.
Слава: Пресущная Троице, во Единице покланяемая, возьми бремя от мене тяжкое греховное и, яко благоутробна, даждь ми слезы умиления.
Песнь 2
Ирмос: Вонми, Небо, и возглаголю, и воспою Христа, от Девы плотию пришедшаго.
Сшиваше кожныя ризы грех мне, обнаживый мя первыя боготканныя одежды.
Обложен есмь одеянием студа, якоже листвием смоковным, во обличение моих самовластных страстей.
Одеяхся в срамную ризу и окровавленную студно течением страстнаго и любосластнаго живота.
Впадох в страстную пагубу и в вещественную тлю, и оттоле до ныне враг мне досаждает.
Любовещное и любоименное житие невоздержанием, Спасе, предпочет ныне, тяжким бременем обложен есмь.
Украсих плотский образ скверных помышлений различным обложением и осуждаюся.
Внешним прилежно благоукрашением единем попекохся, внутреннюю презрев Богообразную скинию.
Погребох перваго образа доброту, Спасе, страстьми, юже, яко иногда драхму, взыскав, обрящи.
Согреших, якоже блудница, вопию Ти: един согреших Тебе, яко миро, приими, Спасе, и моя слезы.
Очисти, якоже мытарь, вопию Ти, Спасе, очисти мя: никтоже бо сущих из Адама, якоже аз, согреших Тебе.
Слава: Единаго Тя в Триех Лицех, Бога всех пою, Отца и Сына и Духа Святаго.
И ныне: Пречистая Богородице Дево, Едина Всепетая, моли прилежно, во еже спастися нам.
Песнь 3
Ирмос:
Источник живота стяжах Тебе, смерти Низложителя, и вопию Ти от сердца моего прежде конца: согреших, очисти и спаси мя.
Согреших, Господи, согреших Тебе, очисти мя: несть бо иже кто согреши в человецех, егоже не превзыдох прегрешеньми.
При Нои, Спасе, блудствовавшия подражах, онех наследствовах осуждение в потопе погружения.
Хама онаго, душе, отцеубийца подражавши, срама не покрыла еси искренняго, вспять зря возвратившися.
Запаления, якоже Лот, бегай, душе моя, греха: бегай Содомы и Гоморры, бегай пламене всякаго безсловеснаго желания.
Помилуй, Господи, помилуй мя, вопию Ти, егда приидеши со ангелы Твоими воздати всем по достоянию деяний.
Песнь 4
Ирмос: Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи.
Бди, о душе моя, изрядствуй, якоже древле великий в патриарсех, да стяжеши деяние с разумом, да будеши ум, зряй Бога, и достигнеши незаходящий мрак в видении, и будеши великий купец.
Дванадесять патриархов великий в патриарсех детотворив, тайно утверди тебе лествицу деятельнаго, душе моя, восхождения: дети, яко основания, степени, яко восхождения, премудренно подложив.
Исава возненавиденнаго подражала еси, душе, отдала еси прелестнику твоему первыя доброты первенство и отеческия молитвы отпала еси, и дважды поползнулася еси, окаянная, деянием и разумом: темже ныне покайся.
Едом Исав наречеся, крайняго ради женонеистовнаго смешения: невоздержанием бо присно разжигаем и сластьми оскверняем, Едом именовася, еже глаголется разжжение души любогреховныя.
Иова на гноищи слышавши, о душе моя, оправдавшагося, того мужеству не поревновала еси, твердаго не имела еси предложения во всех, яже веси, и имиже искусилася еси, но явилася еси нетерпелива.
Иже первее на престоле, наг ныне на гноище гноен, многий в чадех и славный, безчаден и бездомок напрасно: палату убо гноище и бисерие струпы вменяше.
Слава: Нераздельное Существом, Неслитное Лицы богословлю Тя, Троическое Едино Божество, яко Единоцарственное и Сопрестольное, вопию Ти песнь великую, в вышних трегубо песнословимую.
И ныне: И раждаеши, и девствуеши, и пребываеши обоюду естеством Дева, Рождейся обновляет законы естества, утроба же раждает нераждающая. Бог идеже хощет, побеждается естества чин: творит бо, елика хощет.
Песнь 5
Ирмос: От нощи утренююща, Человеколюбче, просвети, молюся, и настави и мене на повеления Твоя, и научи мя, Спасе, творити волю Твою.
Моисеов слышала еси ковчежец, душе, водами, волнами носим речными, яко в чертозе древле бегающий дела, горькаго совета фараонитска.
Аще бабы слышала еси, убивающия иногда безвозрастное мужеское, душе окаянная, целомудрия деяние, ныне, яко великий Моисей, сси премудрость.
Яко Моисей великий египтянина, ума, уязвивши, окаянная, не убила еси, душе; и како вселишися, глаголи, в пустыню страстей покаянием?
В пустыню вселися великий Моисей; гряди убо, подражай того житие, да и в купине Богоявления, душе, в видении будеши.
Моисеов жезл воображай, душе, ударяющий море и огустевающий глубину, во образ Креста Божественнаго: имже можеши и ты великая совершити.
Аарон приношаше огнь Богу непорочный, нелестный; но Офни и Финеес, яко ты, душе, приношаху чуждее Богу, оскверненное житие.
Слава: Тя, Троице, славим Единаго Бога: Свят, Свят, Свят еси, Отче, Сыне и Душе, Простое Существо, Единице присно покланяемая.
И ныне: Из Тебе облечеся в мое смешение, нетленная, безмужная Мати Дево, Бог, создавый веки, и соедини Себе человеческое естество.
Песнь 6
Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой.
Волны, Спасе, прегрешений моих, яко в мори Чермнем возвращающеся, покрыша мя внезапу, яко египтяны иногда и тристаты.
Неразумное, душе, произволение имела еси, яко прежде Израиль: Божественныя бо манны предсудила еси безсловесно любосластное страстей объядение.
Кладенцы, душе, предпочла еси хананейских мыслей паче жилы камене, из негоже премудрости река, яко чаша, проливает токи богословия.
Свиная мяса и котлы и египетскую пищу, паче Небесныя, предсудила еси, душе моя, якоже древле неразумнии людие в пустыни.
Яко удари Моисей, раб Твой, жезлом камень, образно животворивая ребра Твоя прообразоваше, из нихже вси питие жизни, Спасе, почерпаем.
Испытай, душе, и смотряй, якоже Иисус Навин, обетования землю, какова есть, и вселися в ню благозаконием.
И ныне: Утроба Твоя Бога нам роди, воображена по нам: Егоже, яко Создателя всех, моли, Богородице, да молитвами Твоими оправдимся.
Господи, помилуй. (Трижды.)
Слава, И ныне:
Кондак, глас 6:
Душе моя, душе моя, востани, что спиши? конец приближается, и имаши смутитися: воспряни убо, да пощадит тя Христос Бог, везде сый и вся исполняяй.
Песнь 7
Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам; но не предаждь нас до конца, отцев Боже.
Кивот яко ношашеся на колеснице, Зан оный, егда превращшуся тельцу, точию коснуся, Божиим искусися гневом; но того дерзновения убежавши, душе, почитай Божественная честне.
Слышала еси Авессалома, како на естество воста, познала еси того скверная деяния, имиже оскверни ложе Давида отца; но ты подражала еси того страстная и любосластная стремления.
Покорила еси неработное твое достоинство телу твоему, иного бо Ахитофела обретше врага, душе, снизшла еси сего советом; но сия разсыпа Сам Христос, да ты всяко спасешися.
Соломон чудный и благодати премудрости исполненный, сей лукавое иногда пред Богом сотворив, отступи от Него; емуже ты проклятым твоим житием, душе, уподобилася еси.
Сластьми влеком страстей своих, оскверняшеся, увы мне, рачитель премудрости, рачитель блудных жен и странен от Бога: егоже ты подражала еси умом, о душе, сладострастьми скверными.
Ровоаму поревновала еси, не послушавшему совета отча, купно же и злейшему рабу Иеровоаму, прежнему отступнику, душе, но бегай подражания и зови Богу: согреших, ущедри мя.
Слава: Троице Простая, Нераздельная, Единосущная и Естество Едино, Светове и Свет, и Свята Три, и Едино Свято поется Бог Троица; но воспой, прослави Живот и Животы, душе, всех Бога.
Песнь 8
Ирмос: Егоже воинства Небесная славят, и трепещут херувими и серафими, всяко дыхание и тварь, пойте, благословите и превозносите во вся веки.
Ты Озии, душе, поревновавши, сего прокажение в себе стяжала еси сугубо: безместная бо мыслиши, беззаконная же дееши; остави, яже имаши, и притецы к покаянию.
Ниневитяны, душе, слышала еси кающияся Богу, вретищем и пепелом, сих не подражала еси, но явилася еси злейшая всех, прежде закона и по законе прегрешивших.
В рове блата слышала еси Иеремию, душе, града Сионя рыданьми вопиюща и слез ищуща: подражай сего плачевное житие и спасешися.
Иона в Фарсис побеже, проразумев обращение ниневитянов, разуме бо, яко пророк, Божие благоутробие: темже ревноваше пророчеству не солгатися.
Даниила в рове слышала еси, како загради уста, о душе, зверей; уведела еси, како отроцы, иже о Азарии, погасиша верою пещи пламень горящий.
Ветхаго Завета вся приведох ти, душе, к подобию; подражай праведных боголюбивая деяния, избегни же паки лукавых грехов.
Слава: Безначальне Отче, Сыне Собезначальне, Утешителю Благий, Душе Правый, Слова Божия Родителю, Отца Безначальна Слове, Душе Живый и Зиждяй, Троице Единице, помилуй мя.
И ныне: Яко от оброщения червленицы, Пречистая, умная багряница Еммануилева внутрь во чреве Твоем плоть исткася. Темже Богородицу воистинну Тя почитаем.
Песнь 9
Ирмос: Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.
Христос искушашеся, диавол искушаше, показуя камение, да хлеби будут, на гору возведе видети вся царствия мира во мгновении; убойся, о душе, ловления, трезвися, молися на всякий час Богу.
Горлица пустыннолюбная, глас вопиющаго возгласи, Христов светильник, проповедуяй покаяние, Ирод беззаконнова со Иродиадою. Зри, душе моя, да не увязнеши в беззаконныя сети, но облобызай покаяние.
В пустыню вселися благодати Предтеча, и Иудея вся и Самария, слышавше, течаху и исповедаху грехи своя, крещающеся усердно: ихже ты не подражала еси, душе.
Брак убо честный и ложе нескверно, обоя бо Христос прежде благослови, плотию ядый и в Кане же на браце воду в вино совершая, и показуя первое чудо, да ты изменишися, о душе.
Разслабленнаго стягну Христос, одр вземша, и юношу умерша воздвиже, вдовиче рождение, и сотнича отрока, и самаряныне явися, в дусе службу тебе, душе, предживописа.
Кровоточивую исцели прикосновением края ризна Господь, прокаженныя очисти, слепыя и хромыя просветив, исправи, глухия же, и немыя, и ничащия низу исцели словом: да ты спасешися, окаянная душе.
Слава: Отца прославим, Сына превознесем, Божественному Духу верно поклонимся, Троице Нераздельней, Единице по существу, яко Свету и Светом, и Животу и Животом, Животворящему и Просвещающему концы.
И ныне: Град Твой сохраняй, Богородительнице Пречистая, в Тебе бо сей верно царствуяй, в Тебе и утверждается, и Тобою побеждаяй, побеждает всякое искушение, и пленяет ратники, и проходит послушание.
Припев: Преподобне отче Андрее, моли Бога о нас.
Таже оба лика вкупе поют Ирмос:
Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.
В среду первой седмицы Великого поста
Песнь 1
Ирмос: Помощник и Покровитель бысть мне во спасение, Сей мой Бог, и прославлю Его, Бог отца моего, и вознесу Его: славно бо прославися.
Припев: Помилуй мя, Боже, помилуй мя.
От юности, Христе, заповеди Твоя преступих, всестрастно небрегий, унынием преидох житие. Темже зову Ти, Спасе: поне на конец спаси мя.
Повержена мя, Спасе, пред враты Твоими, поне на старость не отрини мене во ад тща, но прежде конца, яко Человеколюбец, даждь ми прегрешений оставление.
Богатство мое, Спасе, изнурив в блуде, пуст есмь плодов благочестивых, алчен же зову: Отче щедрот, предварив, Ты мя ущедри.
В разбойники впадый аз есмь помышленьми моими, весь от них уязвихся ныне и исполнихся ран, но, Сам ми представ, Христе Спасе, исцели.
Священник, мя предвидев, мимо иде, и левит, видя в лютых нага, презре, но из Марии возсиявый Иисусе, Ты, представ, ущедри мя.
Припев:
Ты ми даждь светозарную благодать от Божественнаго свыше промышления избежати страстей омрачения и пети усердно Твоего, Марие, жития красная исправления.
Слава: Пресущная Троице, во Единице покланяемая, возьми бремя от мене тяжкое греховное и, яко благоутробна, даждь ми слезы умиления.
И ныне: Богородице, Надежде и Предстательство Тебе поющих, возьми бремя от мене тяжкое греховное и, яко Владычица Чистая, кающася приими мя.
Песнь 2
Ирмос: Вонми, Небо, и возглаголю, и воспою Христа, от Девы плотию пришедшаго.
Поползохся, яко Давид, блудно и осквернихся, но омый и мене, Спасе, слезами.
Ни слез, ниже покаяния имам, ниже умиления. Сам ми сия, Спасе, яко Бог, даруй.
Погубих первозданную доброту и благолепие мое и ныне лежу наг и стыждуся.
Дверь Твою не затвори мне тогда, Господи, Господи, но отверзи ми сию, кающемуся Тебе.
Внуши воздыхания души моея и очию моею приими капли, Спасе, и спаси мя.
Человеколюбче, хотяй всем спастися, Ты воззови мя и приими, яко благ, кающагося.
Припев: Пресвятая Богородице, спаси нас.
Пречистая Богородице Дево, Едина Всепетая, моли прилежно, во еже спастися нам.
Иный. Ирмос:
Видите, видите, яко Аз есмь Бог, внушай, душе моя, Господа вопиюща, и удалися прежняго греха, и бойся, яко неумытнаго и яко Судии и Бога.
Кому уподобилася еси, многогрешная душе? токмо первому Каину и Ламеху оному, каменовавшая тело злодействы и убившая ум безсловесными стремленьми.
Вся прежде закона претекши, о душе, Сифу не уподобилася еси, ни Еноса подражала еси, ни Еноха преложением, ни Ноя, но явилася еси убога праведных жизни.
Едина отверзла еси хляби гнева Бога Твоего, душе моя, и потопила еси всю, якоже землю, плоть, и деяния, и житие, и пребыла еси вне спасительнаго ковчега.
Припев: Преподобная мати Марие, моли Бога о нас.
Всем усердием и любовию притекла еси Христу, первый греха путь отвращши, и в пустынях непроходимых питающися, и Того чисте совершающи Божественныя заповеди.
Слава: Безначальная, Несозданная Троице, Нераздельная Единице, кающася мя приими, согрешивша спаси, Твое есмь создание, не презри, но пощади и избави огненнаго мя осуждения.
Песнь 3
Ирмос: Утверди, Господи, на камени заповедей Твоих подвигшееся сердце мое, яко Един Свят еси и Господь.
Благословения Симова не наследовала еси, душе окаянная, ни пространное одержание, якоже Иафеф, имела еси на земли оставления.
От земли Харран изыди от греха, душе моя, гряди в землю, точащую присноживотное нетление, еже Авраам наследствова.
Авраама слышала еси, душе моя, древле оставльша землю отечества и бывша пришельца, сего произволению подражай.
У дуба Мамврийскаго учредив патриарх ангелы, наследствова по старости обетования ловитву.
Исаака, окаянная душе моя, разумевши новую жертву, тайно всесожженную Господеви, подражай его произволению.
Исмаила слышала еси, трезвися, душе моя, изгнана, яко рабынино отрождение, виждь, да не како подобно что постраждеши, ласкосердствующи.
Припев: Преподобная мати Марие, моли Бога о нас.
Содержим есмь бурею и треволнением согрешений, но сама мя, мати, ныне спаси и к пристанищу Божественнаго покаяния возведи.
Припев: Преподобная мати Марие, моли Бога о нас.
Рабское моление и ныне, преподобная, принесши ко благоутробней молитвами твоими Богородице, отверзи ми Божественныя входы.
Слава: Троице Простая, Несозданная, Безначальное Естество, в Троице певаемая Ипостасей, спаси ны, верою покланяющияся державе Твоей.
И ныне: От Отца безлетна Сына в лето, Богородительнице, неискусомужно родила еси, странное чудо, пребывши Дева доящи.
Песнь 4
Ирмос: Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи.
Тело осквернися, дух окаляся, весь острупихся, но яко врач, Христе, обоя покаянием моим уврачуй, омый, очисти, покажи, Спасе мой, паче снега чистейша.
Тело Твое и кровь, распинаемый о всех, положил еси, Слове: тело убо, да мя обновиши, кровь, да омыеши мя. Дух же предал еси, да мя приведеши, Христе, Твоему Родителю.
Соделал еси спасение посреде земли, Щедре, да спасемся. Волею на древе распялся еси, Едем затворенный отверзеся, горняя и дольняя тварь, языцы вси, спасени, покланяются Тебе.
Да будет ми купель кровь из ребр Твоих, вкупе и питие, источившее воду оставления, да обоюду очищаюся, помазуяся и пия, яко помазание и питие, Слове, животочная Твоя словеса.
Чашу Церковь стяжа, ребра Твоя живоносная, из нихже сугубыя нам источи токи оставления и разума во образ древняго и новаго, двоих вкупе заветов, Спасе наш.
Наг есмь чертога, наг есмь и брака, купно и вечери; светильник угасе, яко безъелейный, чертог заключися мне спящу, вечеря снедеся, аз же по руку и ногу связан, вон низвержен есмь.
Слава: Нераздельное Существом, Неслитное Лицы богословлю Тя, Троическое Едино Божество, яко Единоцарственное и Сопрестольное, вопию Ти песнь великую, в вышних трегубо песнословимую.
И ныне: И раждаеши, и девствуеши, и пребываеши обоюду естеством Дева, Рождейся обновляет законы естества, утроба же раждает нераждающая. Бог идеже хощет, побеждается естества чин: творит бо, елика хощет.
Песнь 5
Ирмос: От нощи утренююща, Человеколюбче, просвети, молюся, и настави и мене на повеления Твоя, и научи мя, Спасе, творити волю Твою.
Яко тяжкий нравом, фараону горькому бых, Владыко, Ианни и Иамври, душею и телом, и погружен умом, но помози ми.
Калом смесихся, окаянный, умом, омый мя, Владыко, банею моих слез, молю Тя, плоти моея одежду убелив, яко снег.
Аще испытаю моя дела, Спасе, всякаго человека превозшедша грехами себе зрю, яко разумом мудрствуяй, согреших не неведением.
Пощади, пощади, Господи, создание Твое, согреших, ослаби ми, яко естеством чистый Сам сый Един, и ин разве Тебе никтоже есть кроме скверны.
Мене ради Бог сый, вообразился еси в мя, показал еси чудеса, исцелив прокаженныя и разслабленнаго стягнув, кровоточивыя ток уставил еси, Спасе, прикосновением риз.
Припев: Преподобная мати Марие, моли Бога о нас.
Струи Иорданския прешедши, обрела еси покой безболезненный, плоти сласти избежавши, еяже и нас изми твоими молитвами, преподобная.
Слава: Тя, Троице, славим Единаго Бога: Свят, Свят, Свят еси, Отче, Сыне и Душе, Простое Существо, Единице присно покланяемая.
И ныне: Из Тебе облечеся в мое смешение, нетленная, безмужная Мати Дево, Бог, создавый веки, и соедини Себе человеческое естество.
Песнь 6
Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой.
Преиди, времене текущее естество, яко прежде ковчег, и земли оныя буди во одержании обетования, душе, Бог повелевает.
Яко спасл еси Петра, возопивша, спаси, предварив мя, Спасе, от зверя избави, простер Твою руку, и возведи из глубины греховныя.
Пристанище Тя вем утишное, Владыко, Владыко Христе, но от незаходимых глубин греха и отчаяния мя, предварив, избави.
Слава: Троица есмь Проста, Нераздельна, раздельна Личне, и Единица есмь естеством соединена, Отец глаголет, и Сын, и Божественный Дух.
И ныне: Утроба Твоя Бога нам роди, воображена по нам: Егоже, яко Создателя всех, моли, Богородице, да молитвами Твоими оправдимся.
Господи, помилуй. (Трижды.)
Слава, И ныне:
Кондак, глас 6:
Душе моя, душе моя, востани, что спиши? конец приближается, и имаши смутитися: воспряни убо, да пощадит тя Христос Бог, везде сый и вся исполняяй.
Песнь 7
Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам; но не предаждь нас до конца, отцев Боже.
Манассиева собрала еси согрешения изволением, поставльши яко мерзости страсти и умноживши, душе, негодования, но того покаянию ревнующи тепле, стяжи умиление.
Ахаавовым поревновала еси сквернам, душе моя, увы мне, была еси плотских скверн пребывалище и сосуд срамлен страстей, но из глубины твоея воздохни и глаголи Богу грехи твоя.
Заключися тебе небо, душе, и глад Божий постиже тя, егда Илии Фесвитянина, якоже Ахаав, не покорися словесем иногда, но Сараффии уподобився, напитай пророчу душу.
Попали Илия иногда дващи пятьдесят Иезавелиных, егда студныя пророки погуби, во обличение Ахаавово, но бегай подражания двою, душе, и укрепляйся.
Слава: Троице Простая, Нераздельная, Единосущная, и Естество Едино, Светове и Свет, и Свята Три, и Едино Свято поется Бог Троица; но воспой, прослави Живот и Животы, душе, всех Бога.
И ныне: Поем Тя, благословим Тя, покланяемся Ти, Богородительнице, яко Нераздельныя Троицы породила еси Единаго Христа Бога и Сама отверзла еси нам, сущим на земли, Небесная.
Песнь 8
Ирмос: Егоже воинства Небесная славят, и трепещут херувими и серафими, всяко дыхание и тварь, пойте, благословите и превозносите во вся веки.
Правосуде Спасе, помилуй и избави мя огня и прещения, еже имам на суде праведно претерпети; ослаби ми прежде конца добродетелию и покаянием.
Яко разбойник, вопию Ти: помяни мя; яко Петр, плачу горце: ослаби ми, Спасе; зову, яко мытарь, слезю, яко блудница; приими мое рыдание, якоже иногда хананеино.
Гноение, Спасе, исцели смиренныя моея души, Едине Врачу, пластырь мне наложи, и елей, и вино, дела покаяния, умиление со слезами.
Хананею и аз подражая, помилуй мя, вопию, Сыне Давидов; касаюся края ризы, яко кровоточивая, плачу, яко Марфа и Мария над Лазарем.
Слава: Безначальне Отче, Сыне Собезначальне, Утешителю Благий, Душе Правый, Слова Божия Родителю, Отца Безначальна Слове, Душе Живый и Зиждяй, Троице Единице, помилуй мя.
И ныне: Яко от оброщения червленицы, Пречистая, умная багряница Еммануилева внутрь во чреве Твоем плоть исткася. Темже Богородицу воистинну Тя почитаем.
Песнь 9
Ирмос: Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.
Недуги исцеляя, нищим благовествоваше Христос Слово, вредныя уврачева, с мытари ядяше, со грешники беседоваше, Иаировы дщере душу предумершую возврати осязанием руки.
Мытарь спасашеся, и блудница целомудрствоваше, и фарисей, хваляся, осуждашеся. Ов убо: очисти мя; ова же: помилуй мя; сей же величашеся вопия: Боже, благодарю Тя, и прочия безумныя глаголы.
Закхей мытарь бе, но обаче спасашеся, и фарисей Симон соблажняшеся, и блудница приимаше оставительная разрешения от Имущаго крепость оставляти грехи, юже, душе, потщися подражати.
Блуднице, о окаянная душе моя, не поревновала еси, яже приимши мира алавастр, со слезами мазаше нозе Спасове, отре же власы, древних согрешений рукописание Раздирающаго ея.
Грады, имже даде Христос благовестие, душе моя, уведала еси, како прокляти быша. Убойся указания, да не будеши якоже оны, ихже содомляном Владыка уподобив, даже до ада осуди.
Да не горшая, о душе моя, явишися отчаянием, хананеи веру слышавшая, еяже дщи словом Божиим исцелися; Сыне Давидов, спаси и мене, воззови из глубины сердца, якоже она Христу.
Слава: Отца прославим, Сына превознесем, Божественному Духу верно поклонимся, Троице Нераздельней, Единице по Существу, яко Свету и Светом, и Животу и Животом, Животворящему и Просвещающему концы.
И ныне: Град Твой сохраняй, Богородительнице Пречистая, в Тебе бо сей верно царствуяй, в Тебе и утверждается, и Тобою побеждаяй, побеждает всякое искушение, и пленяет ратники, и проходит послушание.
Припев: Преподобне отче Андрее, моли Бога о нас.
Андрее честный и отче треблаженнейший, пастырю Критский, не престай моляся о воспевающих тя, да избавимся вси гнева, и скорби, и тления, и прегрешений безмерных, чтущии твою память верно.
Таже оба лика вкупе поют Ирмос:
Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.
В четверг первой седмицы Великого поста
Песнь 1
Ирмос: Помощник и Покровитель бысть мне во спасение, Сей мой Бог, и прославлю Его, Бог Отца моего, и вознесу Его: славно бо прославися.
Припев: Помилуй мя, Боже, помилуй мя.
Агнче Божий, вземляй грехи всех, возьми бремя от мене тяжкое греховное, и, яко благоутробен, даждь ми слезы умиления.
Тебе припадаю, Иисусе, согреших Ти, очисти мя, возьми бремя от мене тяжкое греховное и, яко благоутробен, даждь ми слезы умиления.
Не вниди со мною в суд, нося моя деяния, словеса изыскуя и исправляя стремления. Но в щедротах Твоих презирая моя лютая, спаси мя, Всесильне.
Покаяния время, прихожду Ти, Создателю моему: возьми бремя от мене тяжкое греховное и, яко благоутробен, даждь ми слезы умиления.
Богатство душевное иждив грехом, пуст есмь добродетелей благочестивых, гладствуя же зову: милости подателю Господи, спаси мя.
Припев: Преподобная мати Марие, моли Бога о нас.
Приклоньшися Христовым Божественным законом, к сему приступила еси, сладостей неудержимая стремления оставивши, и всякую добродетель всеблагоговейно, яко едину, исправила еси.
Слава: Пресущественная Троице, во Единице покланяемая, возьми бремя от мене тяжкое греховное и, яко благоутробна, даждь ми слезы умиления.
И ныне: Богородице, Надежде и Предстательство Тебе поющих, возьми бремя от мене тяжкое греховное и, яко Владычица Чистая, кающася приими мя.
Песнь 2
Ирмос: Видите, видите, яко Аз есмь Бог, манну одождивый и воду из камене источивый древле в пустыни людем Моим, десницею единою и крепостию Моею.
Мужа убих, глаголет, в язву мне и юношу в струп, Ламех, рыдая, вопияше; ты же не трепещеши, о душе моя, окалявши плоть и ум осквернивши.
Столп умудрила еси создати, о душе, и утверждение водрузити твоими похотьми, аще не бы Зиждитель удержал советы твоя и низвергл на землю ухищрения твоя.
О како поревновах Ламеху, первому убийце, душу, яко мужа, ум, яко юношу, яко брата же моего, тело убив, яко Каин убийца, любосластными стремленьми.
Одожди Господь от Господа огнь иногда на беззаконие гневающее, сожег содомляны; ты же огнь вжегла еси геенский, в немже имаши, о душе, сожещися.
Уязвихся, уранихся, се стрелы вражия, уязвившия мою душу и тело; се струпи, гноения, омрачения вопиют, раны самовольных моих страстей.
Припев: Преподобная мати Марие, моли Бога о нас.
Простерла еси руце твои к щедрому Богу, Марие, в бездне зол погружаемая; и якоже Петру человеколюбно руку Божественную простре твое обращение всячески Иский.
Слава: Безначальная, Несозданная Троице, Нераздельная Единице, кающася мя приими, согрешивша спаси, Твое есмь создание, не презри, но пощади и избави мя огненнаго осуждения.
И ныне: Пречистая Владычице, Богородительнице, Надеждо к Тебе притекающих и пристанище сущих в бури, Милостиваго и Создателя и Сына Твоего умилостиви и мне молитвами Твоими.
Песнь 3
Ирмос: Утверди, Господи, на камени заповедей Твоих подвигшееся сердце мое, яко Един Свят еси и Господь.
Агаре древле, душе, египтяныне уподобилася еси, поработившися произволением и рождши новаго Исмаила, презорство.
Иаковлю лествицу разумела еси, душе моя, являемую от земли к Небесем: почто не имела еси восхода тверда, благочестия.
Священника Божия и царя уединена, Христово подобие в мире жития, в человецех подражай.
Обратися, постени, душе окаянная, прежде даже не приимет конец жития торжество, прежде даже дверь не заключит чертога Господь.
Не буди столп сланый, душе, возвратившися вспять, образ да устрашит тя содомский, горе в Сигор спасайся.
Моления, Владыко, Тебе поющих не отвержи, но ущедри, Человеколюбче, и подаждь верою просящим оставление.
Слава: Троица Простая, Несозданная, Безначальное Естество, в Троице певаемая Ипостасей, спаси ны, верою покланяющияся державе Твоей.
И ныне: От Отца безлетна Сына в лето, Богородительнице, неискусомужно родила еси, странное чудо, пребывши Дева доящи.
Песнь 4
Ирмос: Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи.
Время живота моего мало и исполнено болезней и лукавства, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.
Царским достоинством, венцем и багряницею одеян, многоименный человек и праведный, богатством кипя и стады, внезапу богатства, славы царства, обнищав, лишися.
Аще праведен бяше он и непорочен паче всех, и не убеже ловления льстиваго и сети; ты же, грехолюбива сущи, окаянная душе, что сотвориши, аще чесому от недоведомых случится наити тебе?
Высокоглаголив ныне есмь, жесток же и сердцем, вотще и всуе, да не с фарисеем осудиши мя. Паче же мытарево смирение подаждь ми, Едине Щедре, Правосуде, и сему мя сочисли.
Согреших, досадив сосуду плоти моея, вем, Щедре, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.
Самоистукан бых страстьми, душу мою вредя, Щедре, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.
Не послушах гласа Твоего, преслушах Писание Твое, Законоположника, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.
Припев: Преподобная мати Марие, моли Бога о нас.
Великих безместий во глубину низведшися, неодержима была еси; но востекла еси помыслом лучшим к крайней деяньми яве добродетели преславно, ангельское естество, Марие, удививши.
Слава: Нераздельное Существом, Неслитное Лицы богословлю Тя, Троическое Едино Божество, яко Единоцарственное и Сопрестольное, вопию Ти песнь великую, в вышних трегубо песнословимую.
И ныне: И раждаеши, и девствуеши, и пребываеши обоюду естеством Дева, Рождейся обновляет законы естества, утроба же раждает нераждающая. Бог идеже хощет, побеждается естества чин: творит бо, елика хощет.
Песнь 5
Ирмос: От нощи утренююща, Человеколюбче, просвети, молюся, и настави и мене на повеления Твоя, и научи мя, Спасе, творити волю Твою.
Низу сничащую подражай, о душе, прииди, припади к ногама Иисусовыма, да тя исправит, и да ходиши право стези Господни.
Аще и кладязь еси глубокий, Владыко, источи ми воду из пречистых Твоих жил, да, яко самаряныня, не ктому, пияй, жажду: жизни бо струи источаеши.
Силоам да будут ми слезы моя, Владыко Господи, да умыю и аз зеницы сердца, и вижду Тя, умна Света превечна.
Припев: Преподобная мати Марие, моли Бога о нас.
Несравненным желанием, всебогатая, древу возжелевши поклонитися животному, сподобилася еси желания, сподоби убо и мене улучити вышния славы.
Слава: Тя, Троице, славим Единаго Бога: Свят, Свят, Свят еси, Отче, Сыне и Душе, Простое Существо, Единице присно покланяемая.
И ныне: Из Тебе облечеся в мое смешение, нетленная, безмужная Мати Дево, Бог, создавый веки, и соедини Себе человеческое естество.
Песнь 6
Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой.
Аз есмь, Спасе, юже погубил еси древле царскую драхму; но вжег светильник, Предтечу Твоего, Слове, взыщи и обрящи Твой образ.
Востани и побори, яко Иисус Амалика, плотския страсти, и гаваониты, лестныя помыслы, присно побеждающи.
Припев: Преподобная мати Марие, моли Бога о нас.
Да страстей пламень угасиши, слез капли источала еси присно, Марие, душею распаляема, ихже благодать подаждь и мне, твоему рабу.
Припев: Преподобная мати Марие, моли Бога о нас.
Безстрастие Небесное стяжала еси крайним на земли житием, мати. Темже тебе поющим страстей избавитися молитвами твоими молися.
Слава: Троица есмь Проста, Нераздельна, раздельна Личне и Единица есмь естеством соединена, Отец глаголет, и Сын, и Божественный Дух.
И ныне: Утроба Твоя Бога нам роди, воображена по нам: Егоже, яко Создателя всех, моли, Богородице, да Твоими молитвами оправдимся.
Господи, помилуй. (Трижды.)
Слава, И ныне:
Кондак, глас 6:
Душе моя, душе моя, востани, что спиши? конец приближается, и имаши смутитися: воспряни убо, да пощадит тя Христос Бог, везде сый и вся исполняяй.
Песнь 7
Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам; но не предаждь нас до конца, отцев Боже.
Исчезоша дние мои, яко соние востающаго; темже, яко Езекия, слезю на ложи моем, приложитися мне летом живота. Но кий Исаия предстанет тебе, душе, аще не всех Бог?
Припадаю Ти и приношу Тебе, якоже слезы, глаголы моя: согреших, яко не согреши блудница, и беззаконновах, яко иный никтоже на земли. Но ущедри, Владыко, творение Твое и воззови мя.
Погребох образ Твой и растлих заповедь Твою, вся помрачися доброта, и страстьми угасися, Спасе, свеща. Но ущедрив, воздаждь ми, якоже поет Давид, радование.
Обратися, покайся, открый сокровенная, глаголи Богу, вся ведущему: Ты веси моя тайная, Едине Спасе. Но Сам мя помилуй, якоже поет Давид, по милости Твоей.
Припев: Преподобная мати Марие, моли Бога о нас.
Возопивши к Пречистей Богоматери, первее отринула еси неистовство страстей, нужно стужающих, и посрамила еси врага запеншаго. Но даждь ныне помощь от скорби и мне, рабу твоему.
Припев: Преподобная мати Марие, моли Бога о нас.
Егоже возлюбила еси, Егоже возжелела еси, Егоже ради плоть изнурила еси, преподобная, моли ныне Христа о рабех: яко да милостив быв всем нам, мирное состояние дарует почитающим Его.
Слава: Троице Простая, Нераздельная, Единосущная и Естество Едино, Светове и Свет, и Свята Три, и Едино Свято поется Бог Троица; но воспой, прослави Живот и Животы, душе, всех Бога.
И ныне: Поем Тя, благословим Тя, покланяемся Ти, Богородительнице, яко Неразлучныя Троицы породила еси Единаго Христа Бога и Сама отверзла еси нам, сущим на земли, Небесная.
Песнь 8
Ирмос: Егоже воинства Небесная славят, и трепещут херувими и серафими, всяко дыхание и тварь, пойте, благословите и превозносите во вся веки.
Слезную, Спасе, сткляницу яко миро истощавая на главу, зову Ти, якоже блудница, милости ищущая, мольбу приношу и оставление прошу прияти.
Аще и никтоже, якоже аз, согреши Тебе, но обаче приими и мене, благоутробне Спасе, страхом кающася и любовию зовуща: согреших Тебе Единому, помилуй мя, Милостиве.
Пощади, Спасе, Твое создание и взыщи, яко Пастырь, погибшее, предвари заблуждшаго, восхити от волка, сотвори мя овча на пастве Твоих овец.
Егда, Судие, сядеши, яко благоутробен, и покажеши страшную славу Твою, Спасе, о каковый страх тогда, пещи горящей, всем боящимся нестерпимаго судища Твоего.
Припев: Преподобная мати Марие, моли Бога о нас.
Света незаходимаго Мати тя просветивши, от омрачения страстей разреши. Темже вшедши в духовную благодать, просвети, Марие, тя верно восхваляющия.
Припев: Преподобная мати Марие, моли Бога о нас.
Чудо ново видев, ужасашеся божественный в тебе воистинну, мати, Зосима: ангела бо зряше во плоти и ужасом весь исполняшеся, Христа поя во веки.
Слава: Безначальне Отче, Сыне Собезначальне, Утешителю Благий, Душе Правый, Слова Божия Родителю, Отца Безначальна Слове, Душе Живый и Зиждяй, Троице Единице, помилуй мя.
И ныне: Яко от оброщения червленицы, Пречистая, умная багряница Еммануилева внутрь во чреве Твоем плоть исткася. Темже Богородицу воистинну Тя почитаем.
Песнь 9
Ирмос: Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.
Умилосердися, спаси мя, Сыне Давидов, помилуй, беснующияся словом исцеливый, глас же благоутробный, яко разбойнику, мне рцы: аминь, глаголю тебе, со Мною будеши в раи, егда прииду во славе Моей.
Разбойник оглаголоваше Тя, разбойник богословяше Тя: оба бо на кресте свисяста. Но, о Благоутробне, яко верному разбойнику Твоему, познавшему Тя Бога, и мне отверзи дверь славнаго Царствия Твоего.
Тварь содрогашеся, распинаема Тя видящи, горы и камения страхом распадахуся, и земля сотрясашеся, и ад обнажашеся, и соомрачашеся свет во дни, зря Тебе, Иисусе, пригвождена ко Кресту.
Достойных покаяния плодов не истяжи от мене, ибо крепость моя во мне оскуде; сердце мне даруй присно сокрушенное, нищету же духовную: да сия Тебе принесу яко приятную жертву, Едине Спасе.
Судие мой и Ведче мой, хотяй паки приити со ангелы, судити миру всему, милостивным Твоим оком тогда видев мя, пощади и ущедри мя, Иисусе, паче всякаго естества человеча согрешивша.
Припев: Преподобная мати Марие, моли Бога о нас.
Удивила еси всех странным житием твоим, ангелов чины и человеков соборы, невещественно поживши и естество прешедши: имже, яко невещественныма ногама вшедши, Марие, Иордан прешла еси.
Припев: Преподобная мати Марие, моли Бога о нас.
Умилостиви Создателя о хвалящих тя, преподобная мати, избавитися озлоблений и скорбей, окрест нападающих: да избавившеся от напастей, возвеличим непрестанно прославльшаго тя Господа.
Припев: Преподобне отче Андрее, моли Бога о нас.
Андрее честный и отче треблаженнейший, пастырю Критский, не престай моляся о воспевающих тя: да избавимся вси гнева, и скорби, и тления, и прегрешений безмерных, чтущии твою память верно.
Слава: Отца прославим, Сына превознесем, Божественному Духу верно поклонимся, Троице Нераздельней, Единице по Существу, яко Свету и Светом, и Животу и Животом, Животворящему и Просвещающему концы.
И ныне: Град Твой сохраняй, Богородительнице Пречистая, в Тебе бо сей верно царствуяй, в Тебе и утверждается, и Тобою побеждаяй, побеждает всякое искушение, и пленяет ратники, и проходит послушание.
Таже оба лика вкупе поют Ирмос:
Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.
О каноне Андрея Критского
Великий покаянный канон Андрея Критского - жемчужина православного Богослужения Великого поста. Канон этот назван Великим потому, что он содержит множество богословских мыслей о покаянии и множество тропарей - их около 250, тогда как в обычных канонах их обычно бывает около 40. Канон представляет собой пронзающий душу сердечный плач праведника о грехах. Самое начало первой песни канона настраивает душу на скорбь и покаяние, к «уязвлению сердца»: «Откуду начну плакати страстнаго ми жития дел; кое ли начало положу Христе нынешняго рыдания; но яко милосерд, даждь ми слезы умиления ». Творец канона оплакивает не только себя, но и все согрешившее человечество. Он напоминает все прегрешения человечества, все грехопадения - от Адама до Нового Завета.
Ветхозаветные примеры в каноне составляют его большую часть - восемь песен. Святитель Андрей не просто вспоминает о грехе праотцев, он их переживает, как будто собственные: «Первозданнаго Адама преступлению поревновах, познахся обнажен от Бога, и присносущнаго Царствия и пищи, грех ради моих » (песнь 1). Преступления праотцев становятся прообразами страстей, мучающих человека: «Кому уподобися многогрешная душе? Токмо первому Каину, и Ламеху оному. Камением побивши тело злодействы, и убивши ум скотскими стремленьми » (песнь 2). Здесь святой Андрей следует святому Максиму Исповеднику , для которого Каин - «приобретение, закон плоти », восстающий на Авеля, то есть на ум, сообразно символическому толкованию, и убивающий его. Если святитель Андрей вспоминает в каноне примеры ветхозаветной и новозаветной праведности, то, прежде всего, для того, чтобы укорить свою душу за леность и за греховность и призвать ее к подражанию, например: «Иосифа праведнаго и целомудренаго ума, подражай окаянная и не потребная душе. И нелюбодействуй в беззаконных стремлениих, присно беззаконнующи » (песнь 5).
Канон представляет собой широкую историческую панораму, в которой начертается история человеческого греха и человеческой праведности, отвержения Бога и Его принятия. Содержание канона глубоко христоцентрично, в каждой песни встречаются проникновенные обращения ко Христу, например: «Да будет ми купель, кровь яже из ребр Твоих вкупе и питие, истекшая вода оставления. Да обоюду очищюся помазуяся. И пия яко масть питие Слове, животочная Твоя чюдеса » (песнь 4). Единственный путь очищения - во Христе, через трезвение, подвиг, через деяние - к видению Божества. Великий канон святителя Андрея, безусловно, основывается на прочном святоотеческом фундаменте, в нем прочитываются цитаты из святителя Мелитона Сардского , святого Ефрема Сирина , святителей Григория Богослова и Григория Нисского , святого Максима Исповедника . И заслуга святителя Андрея Критского в том, что он смог синтезировать их опыт и запечатлеть его в каноне. То, что нам дано в Покаянном каноне святителя Андрея Критского, является библейским, церковным, подлинно вселенским опытом покаяния, уязвления сердца, мучительного совлечения с себя ветхого, мертвого человека и облечения в нового Адама, во Христа Исуса, Господа нашего, Которому слава во веки веком, Аминь!
Канон Андрея Критского во время богослужения в храме
Во время богослужения в храме канон читается на великой павечернице первой недели Великого поста: в понедельник, вторник, среду и четверг. В каждый из этих день читается часть канона, а полностью канон читается вечером в среду на пятой неделе Великого поста. В это время в старообрядческих храмах совершается служба «Мá риино стояние » и на каждом стихе канона молящиеся кладут по три земных поклона (метания) - всего их за канон выходит 798. Также к Великому канону прибавляется несколько тропарей в честь преподобной Мáрии Египетской, пришедшей из глубокого духовного падения к высокому благочестию. Великий канон завершается тропарями в честь его творца - святого Андрея Критского .
Канон. Творение кир Андрея Критскаго, глас 6
Песнь 1. Ирмо́с
П омощник и Покровитель бысть мне во спасение, Се ми есть Бог и прославлю и, Бог Отца моего, и вознесу и. Славно бо прославися.
Ведомо же буди. Егда един лик поет, тогда другии творит поклоны, благочиния ради. Запеваем к стихом Запев: С лава Тебе Боже наш, слава Тебе.
Запев. О ткуду начну плакати страстнаго ми жития дел; кое ли начало положу Христе нынешняго рыдания; но яко милосерд, даждь ми слезы умиления.
Запев. Г ряди, окаянная душе, с плотию своею, Зиждителю всех исповеждься и останися прочее прежняго безсловесия, и принеси Богу в покаянии слезы.
Запев. П ервозданнаго Адама преступлению поревновах, познахся обнажен от Бога, и присносущнаго Царствия и пищи, грех ради моих.
Запев. В Еввы место чувьственыя, мысленая ми бысть Евва: иже в плоти страстныя помыслы, показуя сладкая, и вкушаю присно горкаго падения.
Запев. Д остойно из Едема изгнан бысть Адам, яко не сохрани едину заповедь, Твою Спасе. Аз же что сотворю, отметая всегда животная Твоя словеса.
Запев. К аиново прешед убийство, изволением бых убиица. Совестию душевною, оживив плоть, и воевав наню лукавными делы.
Запев. А велеве Исусе неуподобихся правде, дара Тебе приятна не принесох когда ни деяния Божествена, ни жертву чисту, ни жития непорочна.
Запев. Я ко Каин и мы душе окаянная, всех зиждителю, деяния сквернена и жертву порочну, и не потребно житие, принесохома вкупе, темже и осудихомася.
Запев. Б рение Зиждитель живо создав, вложил ми еси плоть и кости и дыхание и жизнь. Но о Творче мой. И Избавителю мой и Судие, кающагося приими мя.
Запев. У вы мне окаянная душе, что уподобися первей Евве; виде бо зле, и уязвися горце. И прикоснуся древу, и вкуси дерзостне без словесныя снеди.
Запев. И споведаю Ти Спасе грехи, яже соделах, души и тела моего язвы, яже внутрь убийственнии помысли, разбойнически намя возложиша.
Запев. А ще и согреших Спасе, но вем яко Человеколюбец еси, биеши милостивне, и милуеши тепле. Слезяща зриши, и противу течеши яко Отец призывая блуднаго.
Запев. О т юности Христе, заповеди Твоя преступих, всестрастно небрегии, унынием преидох житие мое. Темже зову тебе Спасе, поне наконец спаси мя.
Запев. П овержена мя Спасе пред враты Твоими, поне на старость не отрини мене во ад тща. Но прежде конца яко Человеколюбец, даруй ми грехопадении оставление.
Запев. Б огатьство мое Спасе изнурих блудом, пуст есмь плодов благочестивых. Алчен же зову, Отче щедрот, предварив Ты мя ущедри.
Запев. И же в разбойники впадыи аз есмь помышленьми моими, весь от них уязвихся ныне, и исполнихся ран. Но сам ми представ Христе Спасе исцели.
Запев. С вященник мя предвидев мимо иде, и левит видя в лютых, нага презре. Но иже от Марии восиявыи Исусе, Ты представ ущедри мя.
Запев. А гньче Божии, вземляи грехи всех, возми бремя от мене тяжкое греховное. И яко Милосерд, даждь ми слезы умиления.
Запев. Н е гнушайся мене Спасе, и не отрини припадающа Ти. Возми бремя от мене тяжкое греховное, и яко Милосерд, даждь ми слезы умиления.
Запев. Т ебе припадаю Боже, согреших очисти мя. Возми бремя от мене тяжкое греховное, и яко Милосерд, даждь ми слезы умиления.
Запев. П окаянию время, прихожду к Тебе содетелю мой, возми бремя от мене тяжкое греховное, и яко Благоутробен, даждь слезы умиления.
Запев. В ольная Спасе и невольная согрешения моя, явленная и сокровенная, ведомая и неведомая, вся простив яко Бог, очисти и спаси мя.
Запев. Г ряди приими душе моя самыи час и день, егда Бог яве приидет, и рыдай и плачися обрестися чиста, в час испытания.
Запев. У жасает мя и страшит огнь он геенскии, и червь горкии, и скрежет зубом, но ослаби ми и пощади и стоянию мя Христе избранных твоих причти.
Егда же приспеет стих Марии. И глаголемъ к стиху тому запев: Преподобная мати Мáрия моли Бога о нас. Т ы ми даждь светозарную благодать, от Божественаго сыше промышления, избежати страстей омрачения, и пети усердно твоего жития, красная Марие поведания.
Запев Мáрии. П реклоншися Христовым Божественым законом, к сему приступи, сладострастей нечистых стремления оставивши, и всяку добродетель Марие исправльши.
Слава . П ресущная Тро́ице, яже во Единьстве покланяемая, возьми бремя от мене тяжкое греховное, и яко милосерд, даждь ми слезы умиления.
И ныне. Богородичен. Б огородице Надежда и Предстателнице всем поющим Тя, возьми бремя от мене тяжкое греховное, и яко Владычице Чистая, кающася приими мя.
Покрываем же всякую песнь, ирмосом.
Песнь 2. Ирмо́с
В онми небо и возглаголю, и воспою Христа, иже от Девы плотию пришедшаго.
Запев. В онми небо и возглаголю земле внушай гласа кающася к Богу и воспевающа Его.
Запев. В онми ми Боже яко щедр милостивным си оком, и приими мое теплое исповедание.
Запев. С огреших паче всех человек, един согреших Тебе. но ущедри яко Бог творение Свое.
Запев. Б уря мя злых обдержит Милосерде Господи, но яко Петру и мне руку простри.
Запев. С лезы якоже блудница щедре и аз предлагаю, очисти мя Спасе милосердием си.
Запев. О скверних плоти моея ризу, и окалях еже по образу Спасе и по подобию.
Запев. О мрачих душевную красоту страстными сластьми, и весь ум кал сотворих.
Запев. Р аздрах ныне одежду мою первую юже ми истка Зиждитель исперва, и оттуду лежю наг.
Запев. О блекохся в раздранную ризу юже истка ми змий советом, и стыжюся.
Запев. В озрех на садовную красоту, и прельстихся умом. тем же лежю наг, и срамляюся.
Запев. П огубих первозданную доброту, и благолепие мое, и ныне лежю наг и срамляюся.
Запев. К оваху на хребте моем вси начальницы страстнии, одолеюще мя беззаконием своим.
Запев. С шиваше кожныя ризы грех, обнажив мя первыя боготканныя одежды.
Запев. О бложен есмь одеянием студа, якоже листвие смоковное, во обличение моих самовольных страстей.
Запев. О деяхся в срамную ризу, и окровавленую студно, течением страстнаго и любосластнаго живота.
Запев. В падох в страстную пагубу, и в вещественую тлю, и от толе и до ныне враг ми досаждает.
Запев. Л юбовещно и любостяжаемое житие невоздержанием Спасе предпочет, ныне тяжким бременем обложен есмь.
Запев. У красих плотьскаго образа скверными помыслы, различным одеянием, и осуждаюся.
Запев. В нешним прилежно, благоукрашением единем попекохся, внутренюю презрев благообразную сень.
Запев. В ообразив мое страстное безобразие, любосластными стремленьми, погубих умную красоту.
Запев. П огребох перваго образа доброту Спасе страстьми, якоже иногда драхму, взыскав обрящи.
Запев. С огреших якоже блудница вопию Ти, един согреших Тебе, яко миро приими Спасе и моя слезы.
Запев. П оползохся яко Давыд блудно, и осквернихся. Но омый мене Спасе слезами.
Запев. О чисти яко мытарь вопию Ти, Спасе очисти мя. Никтоже бо от сущих из Адама, яко аз согрешил есть к Тебе.
Запев. Н и слез ни покаяния имам ни умиления. Но сам ми Спасе сия, яко Бог даруй.
Запев. Д верь Твою не затвори ми тогда Господи, Господи, но отверзи ми сию кающумися.
Запев. Ч еловеколюбче хотяи всем спастися, Ты воззови мя и приими яко благ кающумися.
Богородичен. В нуши воздыхание души моея, и очию моею приими каплю Спасе, и спаси мя.
Ин, ирмос . В идите видите, яко Аз есмь Бог, иже манну одождивыи, и воду искамене источив древле впустыни людем своим, десницею единою, и крепостию моею.
Запев. В идите видите, яко Аз есмь Бог. Внушай душе моя Господу вопиющу, и останися прежняго греха, и убойся яко истязателя, и яко Судии и Бога.
Запев. К ому уподобися многогрешная душе; токмо первому Каину, и Ламеху оному. Камением побивши тело злодействы, и убивши ум скотскими стремленьми.
Запев. В сех иже прежде закона претекши о Душе. Сифу не уподобися, ни Еносу оному, ни Еноха преставлению, ни Ною. Но явилася еси нища праведных жизни.
Запев. Е дина разверзла еси, хляби гнева Бога твоего душе моя, и потопила еси плоть всю якоже землю и деяние и жизнь, и пребыла еси кроме спасеннаго ковчега.
Запев. М ужа убих рече в язву мне, и юношу в струп, Ламех рыдая вопияше. Тыже не трепещеши о душе моя, и не боишися, плоть и ум осквернивши.
Запев. О како поревновах Ламеху, первому убийце. Душю яко мужа, ум яко юношу, яко брата же ми тело убив, яко Каин убийца, безсловесными стремленьми.
Запев. С толп умудрила еси создати, о душе, и утвержение водрузити своими похотьми, аще не бы зиждитель удержал советы твоя, и низвергл на землю ухищрения твоя.
Запев. У язвихся уранихся, се суть стрелы вражия, яже ми уязвиша душю и тело, се язвы и струпи и гноения, и омрачения вопиют, и раны самоволных страстей.
Запев. О дожди Господь от Господа огнь геенскии вжегла еси, внемже хощеши душе сожжена быти.
Запев. Р азумейте и видите, яко Аз есмь Бог, истязаи сердца, испытаяи мысли, обличаяи дела, и попаляяи грехи, и судяи сиру и смирену, и нищу.
Слава. Б езначальная Несозданная Троице, и Нераздельная Единице, кающася приими мя, согрешающа спаси. Твое есмь создание, не презри, но пощади и избави огненаго осуждения.
Богородичен. Ч истая Владычице Богородительнице, упование к тебе прибегающим, и пристанище в бури, Милостиваго и Зиждителя Сына твоего умоли, помиловати и мене, молитвами твоими.
Сию песнь вторую, покрываем, другим ирмосом. В
идите видите.
Песнь 3 Ирмо́с
Н а недвижимем Христе камени, заповедей Твоих, утверди мое помышление.
Запев. О гнь от Господа душе некогда Господь одождив, землю содомскую древле попалив.
Запев. Н а горе спасайся душе, якоже Лот он, и в Сигор угонзай.
Запев. Б егай запаления о душе, бегай содомскаго горения. Бегай погубления Божественаго пламене.
Запев. И споведаютися Спасе, согреших согреших Тебе, но ослаби ми яко Милосерд.
Запев. С огреших един аз, согреших паче всех, Христе Спасе непрезри мене.
Запев. Т ы еси Пастырь добрыи, взыщи мене агнца, и заблудившаго не презри мене.
Запев. Т ы еси сладкии Исусе, Ты еси Зиждитель мой. О Тебе Христе оправдаюся.
Троичен. Пресвятая Троице Боже наш, слава Тебе. О Тро́ице Еди́нице Боже, спаси согрешших ти, и от тления изведи.
Богородичен. Р адуися Богоприятная утробо. Радуися Господень престоле. Радуися Мати жизни нашея.
Ин, ирмос . Отверди Господи накамени заповедей Твоих, подвигшееся сердце мое, яко един свят еси и праведен.
Запев. И сточник живота стяжах, Тебе смерти разрушителя. И вопию Ти от сердца моего прежде конца, согреших очисти и спаси мя.
Запев. И же при Нои Спасе нечествовавших подражах. Онех наследовах осуждение в потопе погружения.
Запев. С огреших Господи согреших Ти очисти мя. Несть бо иже кто согреши в человецех, егоже не превзыдох согрешеньми.
Запев. Х ама оного о душе, Отцу ругателя подражавши, срам не покрыла Еси искреняго, в спять зря возвратившися.
Запев. Б лагословение Симово не наследова душе моя страстная ни пространно удержание яко и Афет, тем не прияла еси на земли грехов оставления.
Запев. О земли хараньския изыди, от греха душе моя. Гряди в землю точащую присно, животное нетление, юже Авраам наследова.
Запев. А враама слышала еси душе моя древле, оставивша землю, отечества и бывша пришелца, сего изволению подражай.
Запев. У дуба маврийскаго, учредив патриарх Ангелы, наследова постарости обетования ловитву.
Запев. И саака окаянная душе моя разумевши новую жертву, тайно всесожженую Господеви, подражай его произволению.
Запев. И змайла слышала еси, трезвися душе моя. Изгнана яко рабынино от рождение. Блюди, да не како подобно что постражеши, ласкосердствующи.
Запев. П омилуй Господи помилуй мя вопию Тебе, егда приидеши со ангелы твоими, воздати всем по достоянию деяния.
Запев. А гаряныни древле душе египтяныни уподобилася еси, поработившися изволением, и родивши новаго Измайла, презорьство.
Запев. И аковлю лествицу разумела еси душе, явленую от земли до небесе, почто неимаши восхода тверда и благочестива.
Запев. С вященнику Божию и Царюуединену, Христову подобию бывшу, иже в мире житие удалившася, тому уподобися.
Запев. Н е буди столп слан душе, возвратившися в спять. Притча да устрашит тя содомская. В горе в Сигоре спасайся.
Запев. Я коже Лот запаления бегай душе моя греха. Бегай содома и гомора. Бегай пламене всякого, безсловеснаго хотения.
Марии. С одержим есмь бурею, и треволнением мати согрешении. Но сама мя ныне спаси, и к пристанищу божественаго покаяния возведи.
Марии. Р абское моление ныне Преподобная принесши к Милостивней Богородице глаголющи, отверзи ми Божественыя входы.
Слава. Т роице проста не созданная, безначальное естество, еже в трех воспеваемо составех, нас спаси, верою покланяющихся державе твоей.
Богородичен. И же от отца безлетна сына, в лето богородителнице, не искусомужно родила еси. Странно чюдо. Пребывши девою доящи.
Сию песнь, 3-ю, покрываем другим ирмосом. У тверди Господи.
Седален. Глас, 8. Подобен . В оскресе от мертвых. С ветила богозрачная, Спасови Апостоли, просветите нас иже во тме жития, да яко во дне, ныне благообразно ходим, светом воздержания, нощьныя страсти убегающе. И светлыя страсти Христовы узрим радующеся.
Слава, другии, седален. Глас, тойже. Подобен. П овеленное таинство. А постольская двоенадесятице Богоизбранная, мольбы ныне Христу принесите, постное поприще всем преити, совершающим, во умилении молитвы, творящим усердно добродетели. Яко да сице предварим видети Христа Бога славное воскресение, славу и хвалу приносяще.
И ныне. Богородичен. Н
епостижимаго Бога Сына и слова, несказанно паче ума истебе рождьшагося, моли Богородице со Апостолы мир вселенней чист подати. И согрешением дати нам прежде конца прощение. И царьствия небеснаго крайнею благостию, сподобити рабы своя.
Песнь 4 Ирмо́с
У слышав же пророк пришествие Твое Господи, и убояся, яко хощеши от Девы родитися, и человеком явитися, и глаголаше, услышах слух Твой и убояхся, слава силе Твоей.
Запев. Д ело рук своих не презри, создание свое не остави, праведныи судие. Аще и един согреших яко человек, паче всякого человека Человеколюбче, но имаши яко Господь, всех власть отпущати грехи.
Запев. П риближается душе конец, приближается и нерадиши, и неготовишися, время сокращается востани, близ придверех Судия есть. Яко сень, яко цвет время жития течет, что всуе мятемся?
Запев. В озникни о душе моя, деяния твоя яже содея помышляй, и та пред лицем си принеси, и капли испусти слез твоих. рцы со дерзновением Христу, деяния и помышления, и оправдишися.
Запев. Н е бысть в житии греха, ни деяние ни злоба яже аз Спасе не согреших, умом и словом и изволением, и предложением и нравом и деянием согреших яко ин никтоже когда.
Запев. О тсюду осужден, отсюду и препрехся аз окаянныи, от своея совести. Еяже ничтоже в мире нужнейши. Судие и Избавителю мой и Ведче пощади и избави, и спаси мя раба Твоего.
Запев. Л ествица юже виде древле великии в патриарсех, притча есть, о душе моя детельнаго восхождения, разумному возшествию. Аще хощеши убо, деянием и разумом и видением живущи обновися.
Запев. З ной дневныи претерпе лишения ради патриарх, и мраз нощныи понесе, на всяк день снабдения творя, пасыи и труждаяся и работая, да две жене сочтает.
Запев. Д ве жене убо ми разумей, деяние и разум в видении. Лию убо деяние, яко многочадну. Рахиль же разум, яко многотрудну. Ибо кроме трудов, ни деяние ни видение душе исправится.
Запев. Б ди о душе моя, мужествуй якоже древле великии в патриарсех, да стяжеши деяние с разумом. Да будеши ум зря Бога, и достигнеши в незаходящии мрак в возрении, и будеши великии купец.
Запев. Д ванадесяте патриарх великии в патриарсех родив, тайно утверди тебе лествицу, действенаго душе моя восхождения. Дети яко основания, степени яко восхождения, премудрено положив.
Запев. И сава возненавиденнаго подражала еси душе, отдала еси первыя доброты первенечество, и отча благословения отпаде, и дващи поползеся окаянная, деянием и разумом. Темже ныне покайся.
Запев. Е дом Исав наречеся крайняго ради женонеистовства насмешение. Не воздержанием бо присно разжизаемь, и сластьми оскверняем. Едом на речеся, еже глаголется разжение души любогреховны.
Запев. И ова иже на гноищи слышащи о душе моя оправдившагося, того мужеству не поревновала еси крепость не стяжала еси, предложения во всех ихже разумела еси ихже веси и ихже искусися. Но явилася еси нетерпелива.
Запев. И же первее на престоле, наг ныне на гноищи гноен. Иже многии в чадех и славен, безчаден и бездомок напрасно. Полату бо гноище, и бисерие черьвия вменяше.
Запев. Ц арьским саном и венцем, и багряницею одеян, многоименен человек и праведен, богатством изобилуя и стады, внезапу богатства обнищав, и славы царьския лишен бысть.
Запев. А ще праведен бяше и непорочен паче всех, и неубеже ловления льстиваго и сети, тыже грехолюбива сущи окаянная душе, что сотвориши, аще ти неведома напасть найдет на искушение.
Запев. Т ело оскверних, дух окалях, весь гноен есмь. Но яко врачь Христе, обоя покаянием ми исцели, омый и очисти, покажи паче снега Спасе мой чистейша.
Запев. Т ело Свое и кровь, распинаемь овсех дал еси Слове. Тело убо, да мя обновиши. Кровь же, да омыеши мя. Дух же предал еси, да мя приведеши Христе родителю своему.
Запев. С одела спасение посреде земли Щедре, да спасемся. Волею на древе распятся, Едем затвореныи отверзеся. Вышняя и нижняя тварь, и языцы вси спасшеся, поклоняюттися.
Запев. Д а будет ми купель, кровь яже из ребр Твоих вкупе и питие, истекшая вода оставления. Да обоюду очищюся помазуяся. И пия яко масть питие Слове, животочная Твоя чюдеса.
Запев. Ч ашу Церкви стяжа, ребра Твоя живоносная, изних же сугубо нам источи, капли оставления и разума, во образ древле, новаго и ветхаго завета Спасе наш.
Запев. Н аг есмь чертога, наг есмь брака вкупе и вечери. Свеща угасе, яко без масла. Чертог затворися, мне спящу. Вечеря изъядена бысть, аз же поруце и понозе связан, вон изринухся.
Запев. В ремя живота моего мало, и исполнено болезней и лукавьства, но в покаяние мя приими, и в разум призови, да не буду обряща и снедь чуждему, сам мя Спасе ущедри.
Запев. В ысокоглаголив умом есмь, дерзже и сердцем, вотще же и суе, да не с фарисеом осужен буду. Паче же мытарево смирение подаждь ми Едине Щедре, праведныи судие, и с сим мя причти.
Запев. С огреших похулив сосуд плоти моея, вем Щедре. Но в покаяние мя приими, и вразум призови, да не буду стяжание ни снедь чуждему. Спасе Сам мя ущедри.
Запев. С амое капище бых страстем, душу мою вредя Щедре. Но в покаяние мя приими, и вразум призови, да не буду обряща и брашно чуждему, Спасе Сам мя ущедри.
Запев. Н епослушах гласа Твоего, преслушах Писание Твое Законодавче. Но в покаяние мя приими, и вразум призови, да не буду обряща и снедь чуждему. Спасе Сам мя ущедри.
Марии. Б есплотных житие в телеси проходящи, благодать Преподобная к Богу велию прияла еси, верно чтущих тя заступаеши. Темже молим тя, от всяких напастей нас твоими молитвами избави.
Марии. В великих безместных глубину низведшися, не одержима бысть, но потече помыслом лучьшим, к совершенней яве добродетели славная, ангел естество Марие удививши.
Слава. Н ераздельно Существом, Неслитно Лицы богословлю Тя, Тройческое Едино Божество, яко едино царствено и сопрестольно. Вопию Ти песнь великую, иже ввышних трегубо песнословимую.
Богородичен. И
раждаеши и девьствуеши, и пребываеши обоим естеством Дева. Родивыися обновляет законы естества. Утроба же раждает нераждающи. Бог идеже хощет, побежаются естества чинове: творит бо елика хощет.
Песнь 5 Ирмо́с
И з нощи утренююща Человеколюбче просвети молюся. И настави нас наповеления Твоя, и научи нас Спасе творити волю Твою.
Запев. В нощи житие мое преидох присно, тма бо бысть и глубока мне мгла, нощь греха. Но яко дневи сына Спасе покажи мя.
Запев. Р увиму подобяся окаянныи аз, содеях беззаконен и законопреступен совет на Бога Вышняго, осквернив ложе мое, яко же отчее он.
Запев. И споведаюся Тебе Христе Царю, согреших согреших, якоже древле Иосифа братия продавше, чистаго плода и целомудренаго.
Запев. О т сродник праведная душа, связан продастся в работу сладкии, во образ Господень. Ты же сама душе продася, злыми своими.
Запев. И осифа праведнаго и целомудренаго ума, подражай окаянная и не потребная душе. И нелюбодействуй в беззаконных стремлениих, присно беззаконнующи.
Запев. А ще и вров ввержен бысть иногда Иосиф, Владыко Господи, но во образ погребения и востания Твоего. Аз же что Тебе когда таково принесу?
Запев. М оисеов слышала еси душе ковчег водами и волнами носим речными, яко в чертозе древле, бежавша гонения горка, совета фараонитскаго.
Запев. А ще бабы слышала еси иногда убивающыя младенцы мужескии пол душе, целомудрия дело. Ты же яко великии Моисей, внемли премудрость.
Запев. Я ко Моисей великий египтянина, ума, уязвивши, окаянная, не убила еси, душе; и како вселишися, глаголи, в пустыню страстей покаянием.
Запев. В пустыню вселися великии Моисей, гряди убо поревнуй того житию. Да и еже в купине Богоявления, видети душе сподобишися.
Запев. М оисеов жезл воображай душе ударяющь в море, и огустевающь глубину, образом Креста Божественаго, яко да возможеши и ты великая сотворити.
Запев. А арон приношаше овен Богу непорочен, не лестен. Но Офний и Финеес якоже ты душе приношаху чужде Богу, осквернено житие.
Запев. Я коже тяжек нравом Анний и Амврий, фараону горкому бых Владыко душею и телом и погружен умом, но помози ми.
Запев. К алом смесихся окаянныи умом. Омый мя Владыко банею моих слез молю Тя, плоти моея одежду убелив яко снег.
Запев. А ще испытаю си дела Христе, всякого человека прешедша себе зря грехми, яко вразуме ума согреших, а не вневедении.
Запев. П ощади пощади Господи создание свое, согреших ослаби ми. Яко естеством чист Сам еси Един, и ин паче Тебе никтоже есть, кроме скверны.
Запев. М ене ради Бог сыи, уподобился еси мне. Показал еси чудеса, исцелив прокаженыя, и разслабленаго стягнув. Кровоточивей ток уставил еси Спасе, прикосновением ризы.
Запев. Н изу сничащую подражающи душе, приступи и припади предногама Исусовыма, да тя исправит, и ходиши право в пути Господни.
Запев. А ще и кладязь еси Владыко глубок, источи ми воды ис пречистых си жил, да яко самаряныня, не ктому в жаждуся: жизни бо струи источаеши.
Запев. С илоам да будут ми слезы Владыко Господи, да умыю си и аз зеницы сердца, и вижду Тя разумно Свете превечныи.
Марии. И зрядным желанием пребогатая, древу возжелевши поклонитися животному, сподобилася еси желанию. Сподоби убо и мене, улучити вышния славы.
Марии. С труи Иорданския прешедши, обрете покой, безболезненыя плоти сластей избежавши. Еяже и нас изми, твоими молитвами преподобная.
Слава. Тя Тро́ице славим Единаго Бога. Свят, Свят, Свят еси Отче и Сыне и Душе, Про́сто Существо, Еди́нице присно покланяемая.
Богородичен. И
стебе облечеся в мое смирение, нетленная безмужная Мати Дево, Бог создавыи веки, и соединив Себе человеческое естество.
Песнь 6 Ирмо́с
В озопих всем сердцем моим, к щедрому Богу, и услыша мя от ада преисподняго, и возведе от тли живот мой.
Запев. С лезы Спасе очию моею, и еже из глубины воздыхания, чисте приношю, вопиющу сердцу, Боже согреших Ти, очисти мя.
Запев. В олны Спасе согрешении моих, яко в Чермнем мори возвращающеся, покрывают мя внезапу, якоже египтяны иногда и тристаты.
Запев. Я ко юница душе разсвирепевши, уподобилася еси Ефрему. Яко серна от тенета, изрешися от жития, возвысишися деянием, и умом и видением.
Запев. У клонилася еси о душе от Господа твоего, якоже Дафан и Авирон. Но пощади зовыи из ада преисподняго, да тебе пропасть земная не покрыет.
Запев. Р ука нас Моисеова да уверит душе, како может Бог прокаженое житие убелити и очистити. И не отчайся сама, аще и прокажена еси.
Запев. Н еразумно душе произволение стяжала еси, якоже древле Израиль. Божественыя бо манны предпочла еси безсловесне, любосластное страстем ласкосердьство.
Запев. С виная мяса икотлы, египетское брашно, паче Небеснаго произволила еси душе моя, якоже древле неразумнии людие в пустыни.
Запев. К ладенцы душе предпочла еси хананейских мыслей, паче жилы камене, изнегоже премудрости река, проливает токи богословия.
Запев. Я ко удари Моисей раб Твой жезлом камень, образно животворивая ребра Твоя прообразоваше. Изних же вси питие жизни Спасе почерпаем.
Запев. И спытай душе и сматряй, якоже Исус Наввин, обетования земли какова есть, и вселися вней благозаконием.
Запев. В остани и победи яко Исус Амалика, плотския страсти, и гаваониты лестныя помыслы, присно побеждающи.
Запев. П реиди временное текущее естество, якоже древле ковчег. И земли оноя буди во одержании обетования душе, Бог повелевает.
Запев. Я коже спасл еси Петра вопиюща, спаси мя предварив Спасе от зверей, и избави простер свою руку, и возведи из глубины греховныя.
Запев. П ристанище Тя вем утишно, Владыко Христе. Но от незаходимых глубин греха отчаянна мя предварив избави.
Запев. А з есмь Спасе, иже погубил есмь царскую драхму. Но вжег светилник Предотечи Твоего Слове, взыщи и обрящи свой образ.
Запев. В озми свое да не услыши Господи, отсылаемь от Тебе, ни еже иди во огнь проклятыи, но благаго гласа праведных.
Марии. Д а страстем пламень угасиши, слезам источаеши капли присно Марие душею распалаема. Имже дарование подаждь и мне твоему рабу.
Марии. Б езстрастие Небесное стяжа, крайним иже на земли житием мати. Темже тебе поющим, от страстных избавитися прилог молися.
Слава. Т ро́ица есмь Проста и Неразделна, разделна Лицы: и Еди́ница есмь естеством соединена, Отец рече и Сын, и Божественыи Дух.
Богородичен. У троба Твоя Бога нам роди, воображена понас. Егоже яко Зиждителя всех, моли Богородице, да молитвами Твоими оправдимся.
Кондак, глас 6 . Д уше моя душе моя, востани что спиши, конец приближается, и хощеши молвити; воспряни убо, да пощадит тя Христос Бог, иже везде сыи, и вся исполняяи.
Икос
. Х
ристово врачевство видяще отверсто, и от сего Адаму источающу здравие. Пострада и уязвися диявол, и яко беды приемля рыдаше. И своим другом возопи, что сотворю Сыну Мариину, убивает мя Вифлеемлянин, иже везде сыи, и вся исполняяи.
Песнь 7 Ирмо́с
С огрешихом и беззаконновахом, не оправдихом пред Тобою, ни соблюдохом ни сотворихом, якоже заповеда нам. Но не предаждь нас до конца, отеческии Боже.
Запев. С огреших прегреших и отвергох заповеди Твоя, яко в беззакониих произведохся, и приложих язвам струпы. Но Сам мя помилуй, якоже поет Давыд по милости Твоей.
Запев. С окровенная сердца моего, исповедах Тебе Судие мой. Виждь смирение мое, виждь и скорбь мою, вонми суду моему ныне, и Сам мя помилуй, Отеческии Боже.
Запев. С аул иногда, яко же погуби отца своего душе ослята, не начаемо царство обрете, к прославлению. Но блюди да не погреши сама, скотьския похоти твоя предпочитающи, паче Царьствия Христова.
Запев. Д авыд иногда Богоотец, аще и согреши сугубо душе моя: стрелою убо устрелен любодеяния, копием же пленен бысть убийства томлением. Но сама ты тяжчайшими делы недугуеши, самохотными стремленьми.
Запев. С овокупи убо Давыд иногда к беззаконию беззаконие. Убийством бо любодейство смесив, покаяние сугубо показав абие. Но ты лукавнейша соделала еси душе, не покаявшися Богу.
Запев. Д авыд иногда вообрази, списав яко во образе пение. Имже деяние обличает еже содела, зовыи помилуй мя. Тебе бо единому согреших всех Богу: Сам очисти мя.
Запев. К овчег якоже ношашеся на колеснице, и превратившуся юнцу, Озан он точию коснуся, и Божиим искусися гневом. Но того дерзновения душе убежавши, почитай Божественая честне.
Запев. С лышала еси Авесолома како на естество воста. Уведела еси скверная его деяния, имиже оскверни ложе Давыда отца своего. Но ты уподобилася еси того страстным и през естественным стремлением.
Запев. П окорила еси неработныи сан телу твоему. Иного бо Ахитофела обретши врага душе, послушала еси того советы. Но сия разсыпа Сам Христос, да ты всяко спасешися.
Запев. С оломон чудныи иже и благодати и премудрости исполнен, сей лукавое пред Богом иногда сотворив, отступи от Него. Емуже и ты проклятым твоим житием, душе уподобилася еси.
Запев. С ладострастием своим влеком, оскверняшеся увы мне. Иже рачитель премудрости, рачитель блудницам бысть, и странен от Бога. Емуже и ты уподобися во уме о душе, сладострастьми сквернами.
Запев. Р овоама подражала еси, не послушавши совета отча, вкупеже и злаго раба Иеровоама древняго отступника душе. Но бегай подобия их. И зови к Богу, согреших спаси мя.
Запев. М анасиева собрала еси согрешения изволением, поставивши яко мерзости страсти, и умноживши душе негодование. Но того ты покаянию ревнующи, тепле стяжи умиление.
Запев. А хава подражала еси сквернами душе моя, увы мне, бысть плотским сквернам пребывалище, и сосуд сквернен страстем. Но из глубины своея воздохни. И глаголи Богу грехи твоя.
Запев. З атворися тебе небо душе, и глад Божии постиже тя, якоже Илию Фезвитянина. И яко Ахав неверовала еси словесем иногда. Но Сарефтяныне уподобися, и препитай пророчю душу.
Запев. П рипадаю Ти и приношу Ти, якоже слезы глаголы моя. Согреших, якоже согреши блудница. Беззаконновах, яко ин никтоже на земли. Но ущедри Владыко тварь Свою, и призови мя.
Запев. П огребох образ Твой, и преступих заповедь Твою. Вся помрачися доброта, и страстьми угасе Спасе свеща. Но ущедрив, отпусти ми, якоже поет Давыд радование.
Запев. О братися покайся, открый деяние: глаголи Богу вся ведущему, Ты веси моя сокровенная, Едине Спасе. Но Сам мя помилуй, якоже поет Давыд по милости Твоей.
Марии. В озопивши к Пречистей Богоматери, первее от риновения, разрешивши страстей нужно оскорбляющих, и посрамила еси врага запеншаго тя. Но даждь ныне помощь от печали, и мне рабу твоему.
Марии. Е го же возлюбила еси, Егоже возжелела еси, Егоже ради преподобная изнурила еси тело, моли Христа о рабех, яко да милостив будет, и всяко нам мирно устроение подаст боящимся Его.
Слава. Т ро́ице Про́ста и Неразделная, Пресущная Единице Святая, Светове и Свет, и Святая Три, и Едино Свято поется Бог Тро́ица. Но воспой и похвали Живот и Животы душе всех Бога.
Богородичен. П
оем Тя благословим Тя покланяемтися Богородице, яко от Неразлучимыя Тро́ицы породила еси Единого Христа Бога. И Ты отверзла еси нам сущим на земли Небесная.
Песнь 8 Ирмо́с
Е гоже воиньства Небесная славят, и трепещут херувими и серафими. Всяко дыхание, и вся тварь, пойте благословите, и превозносите Его во веки.
Запев. С огрешивши Спасе помилуй, воздвигни ми ум к покаянию. Приими кающася, ущедри вопиюща. Согреших Ти спаси мя, беззаконновах, помилуй мя.
Запев. На колеснице носимь Илия, колесницею добродетельми возшед, яко на небо носимь бяше превыше, иногда от земных. Сего о душе моя восход помышляй.
Запев. Е лисей иногда прият милоть Илиину, прият сугубу благодать от Господа. Ты же о душе моя не причастилася еси того благодати, невоздержанием.
Запев. С умантяныни иногда, праведнаго учреди о душе нравом благим. Ты же не введе в дом, ни странна ни путника. Темже из чертога извержена будеши вне рыдающи.
Запев. И орданова струя первее, милотию Илииною ста сюду и сюду. Ты же о душе моя тоя не причастися благодати, не воздержанием.
Запев. Г иезиеву уподобилася еси окаянная нраву скверному всегда душе. Его же сребролюбие отложи поне на старость. Бегай геены огня, отступивши от злых твоих.
Запев. Т ы Иозии душе поревновавши, сего прокажение в себе име сугубо. Неподобная бо мыслиши, и беззаконная дееши. Остави яже имаши, и притецы к покаянию.
Запев. Н иневитяны душе слышала еси, кающихся к Богу вретищем и попелом. Сим не поревновала еси, но явилася еси льстивейши всех иже прежде закона, и по законе согрешивших.
Запев. И же в рове скверны слышала еси Иеремию душе, града Сионова, рыданьми вопиюща, и слезы просяща: уподобися сего плачевному житию, и спасешися.
Запев. И она в Фарcис побеже, проразумев обращение ниневитяном, разумев бо яко пророк Божие благоутробие. Темже ревноваше пророчества не солгати.
Запев. Д аниила в рове слышала еси, како загради о душе уста зверем. Уведела еси како дети иже со Азариею угасиша верою пламень горящия пещи.
Запев. В етхаго Завета, вся приведох ти душе к подобию, подражай праведных боголюбивых деянием, избегни же паки лукавых грех.
Запев. П равосуде Спасе помилуй, и избави мя огня и прещения, еже хощу на суде праведно претерпети. Ослаби ми прежде конца, добродетелию и покаянием.
Запев. Я ко разбойник вопию Ти помяни мя. Якоже Петр плачю горце, ослаби ми Спасе. Зову яко мытарь, слезю яко блудница, приими мое рыдание, якоже иногда ханааныни.
Запев. Г ноения Спасе исцели, окаянныя ми души Едине Врачю, пластырьми приложи, и масло и вино дела покаяния, умиления и слезы.
Запев. Х ананеи и аз подобяся, помилуй мя вопию, Сыне Давыдов, прикасаюся воскрилию риз твоих, якоже кровоточивая. Плачю якоже Марфа и Мария над Лазарем.
Запев. С лезную Спасе сткляницу, якоже миро изливаю на главу Твою. Зову Ти яко блудница, милостивно просящи, мольбу приношю, и оставление прошу прияти.
Запев. А ще и никтоже ин, якоже аз согреших. Но обаче приими и мене, милосерде Спасе со страхом кающася, и любовию зовуща, согреших Тебе Единому, помилуй мя Милостиве.
Запев. П ощади Спасе свое создание, и взыщи яко Пастырь погибшее. Предвари заблудившаго, восхити от волка. Сотвори мя овча во обители Твоих овец.
Запев. Е гда Судие сядеши яко Милосерд, и покажеши страшную славу Свою Спасе. О кии страх тогда; пещи горящи, и всем боящимся, непостояннаго судища Твоего.
Запев. В сяко дыхание, егда призовеши, разсудити Христе вкупе, велии страх тогда, велия нужа. Всем ужасающимся, не постояннаго судища Твоего.
Запев. В сех Судие Боже мой и Господи, да услышю Твой глас тогда благоутишен. И вижю Твой свет великии, узрю обители Твоя и славу Твою, радуяся во веки.
Марии. Иже света незаходимаго Мати тя просветивши, от омрачения страстей разреши. Темже вшедши в духовную благодать, просвети Марие, иже тебе восхваляющих.
Марии. Ч удо ново видев в тебе мати, божественыи воистину Зосима ужасашеся. Ангела бо зряше во плоти, и ужасом весь исполняшеся, Христа воспевая во веки.
Благословим Отца и Сына и Святаго Духа Господа. Б езначалне Отче, и Сыне Собезначалне, иже от Отца родивыися, и Утешителю Благии Душе Правыи, иже от Отца исходяи, Тро́ице Святая во единице помилуй мя.
Богородичен. Я
ко от оброщения черьвленице Пречистая, умная багрянице Еммануилева, внутрь во чреве ти плоть исткася. Темже тя воистину Богородицу почитаем.
Песнь 9 Ирмо́с
Б езсеменна зачатия, Рожество несказанно, Матере безмужныя нетленно рождение. Божие бо рожество, обновляет естество. Темже Тя вси родове, яко Богоневестную Матерь, православно величаем.
Запев. У м острупися, тело оболезнися. Недугует дух, слово изнеможе. Житие умертвися, конец при дверех. Темже моя окаянная душе, что сотвориши, егда приидет Судия испытати твоя.
Запев. М оисеово принесох ти душе, мирское бытие, и от того все заветное Писание, поведующее тебе, праведных. И неправедных. Ихже вторым о душе уподобилася еси, а не первым к Богу согрешивши.
Запев. З акон изнеможе, празднует Евангелие, писание же всяко от тебе небрежено бысть. Пророцы изнемогоша, и все праведное слово. Струпи твои душе умножишася, не сущу врачю исцеляющему тя.
Запев. Н оваго приведох ти Писания притчи, возводяща тя ко умилению. Праведным убо поревнуй, грешных же отвращайся. И умоли Христа, молитвами же и постом и чистотою и говением.
Запев. Х ристос вочеловечився призва к покаянию разбойники и блудницы. Душе покайся, дверь отверзеся уже Царствия, и предвосхищают е, фарисеи и мытари, и блудницы покаянием.
Запев. Х ристос вочеловечився, плотию приобщив ми ся, и вся елика суть естеству, хотением исполни кроме греха. Подобие тебе о душе и образ, предпоказуя Своего величества.
Запев. Х ристос волхвы спасе, пастыри призва, младенец множество показа мученики. Старцы прослави, и старыя вдовицы. Ихже непоревновала еси душе, нидеянием нижитию. Но горе тебе, егда хощеши судитися.
Запев. П остився Господь дний четыредесяте в пустыни, последи взалка, показуя человечество. Душе не унывай, аще ти приложится враг, молитвами же и постом от ногу да отразится.
Запев. Х ристос искушаем бываше, диявол искушаше Его, показуя камение да хлебы будут. На гору возведе, видети царствия миру в часе временне. Убойся о душе ловления. Трезвися молися на всяк час к Богу.
Запев. Г орлица пустынелюбная, глас вопиющаго возгласи. Христов светилник, проповедуя покаяние. Ирод беззаконновав, со Иродиядою. Блюди душе моя, да не угрязнеши беззаконными сетьми. Но облобызай покаяние.
Запев. В пустыню вселився благодати Предтеча, Июдея вся и Самария слышаще течаху, и исповедаху согрешения своя, крещающеся душе моя. Имже ты непоревновала еси никогда же.
Запев. Б рак убо честен и ложе нескверно: обоя Христос прежде благослови, плотию ядыи вшед на брак, воду в вино сотворяя, и показуя первое чюдо, да ты изменишися о душе моя.
Запев. Р азслабленаго стягну Христос, одр вземша. И юношю мертва воздвиже, вдовича сына. И сотнича отрока, и самаряныни явися. Иже в дусе службу, тебе душе предь живописал есть.
Запев. К ровоточивую исцели, прикосновением края ризы Господь. Прокаженныя очисти. Слепыя и хромыя, просветив исправи. Глухия же и немыя, и ничащия низу исцели словом, да ты спасешися окаянная душе.
Запев. Н едуги исцеляя, нищим благовествоваше Христос, словом вредных уврачева. С мытари ядяше, со грешники беседоваше. И Аировы дщере, пред умершую душу возврати, прикосновением руки.
Запев. М ытарь спасашеся, и блудница целомудруяше: и фарисей хваляся осуждашеся. Ов бо убо очисти мя, ова же помилуй мя. Сей же величашеся вопия, Боже благодарю Тя, и прочия безумныя глаголы.
Запев. З акхей мытарь бе, но обаче спасеся, и фарисей Симон соблажняшеся. И блудница приимаше оставлению разрешение, от имущаго власть, оставляти грехи, яже душе потщися прияти.
Запев. Б луднице о страстная душе моя непоревновала еси. Яже приимши мира сткляницу, со слезами помаза нозе Спасове, отерши власы, древних согрешении рукописание раздирающаго ей.
Запев. Г рады, имже даде Христос Евангелие, душе моя уведела еси, како прокляты быша; убойся притчи, да не будеши якоже они, ихже содомляном Владыка уподоби, и даже до ада осудил есть.
Запев. Д а не горши о душе моя явишися от чаянием, ханаанынину веру слышавши, еяже ради дщи словом Божиим исцеле. Сыне Давыдов, спаси и мене, возопий из глубины сердца, якоже она иногда.
Запев. У милосердися спаси мя, Сыне Давыдов помилуй, иже беснующихся словом исцеливыи. Глас же милостивен, якоже разбойнику и мне изорцы: аминь глаголю тебе, со Мною будеши в раи, егда прииду во славе Моей.
Запев. Р азбойник хуляше Тя, разбойник богословяше Тя. Оба бо на кресте с Тобою висяста. Но о Многомилостиве, с верным ти разбойником познавшим Тя Бога, и мне отверзи дверь, небеснаго Царствия Твоего.
Запев. Т варь сотерзашеся распинаема Тя зрящи. Горы и камение, страхом распадахуся. И земля трясашеся, и ад обнажашеся. И померче свет водне, зря Тя Исусе, пригвождена плотию.
Запев. Д остойны покаяния плоды, не истяжи от мене. Ибо крепость моя во мне оскуде. Сердце ми даруй присно сокрушено, нищету же духовную. Да сияти принесу яко жертву приятну Едине Спасе.
Запев. С удие мой, и ведетелю мой, хотяи паки приити со ангелы, судити миру всему. Милостивным си оком, тогда видев мя пощади, и ущедри Спасе, иже паче всякаго естества человеческа согрешивша.
Андрею. Запев: Святителю Христов Андрее моли Бога о нас. Ин запев: Преподобне Отче Андрее моли Бога о нас. А ндрее честныи, и отче преблаженныи, пастырю Критскии, не престай моляся о поющих тя. Да избавимся вси гнева и скорби и тли, и прегрешении и бед, иже верою почитающии твою память (дважды).
Марии. У дивила еси всех странным житием своим, ангелом чины, и человеком соборы, не веществено поживши, и естество прешедши. Имже яко не вещественама ногама вшедши Марие Иордан прешла еси.
Марии. У моли Зиждителя о восхваляющих тя, преподобная мати, избавитися озлоблении и скорбей, окрест востающих. Да избавимся от напастей: и возвеличим непрестанно, прославльшаго тя Господа.
Слава. Т роице Единосущная Единице Трисоставная, Тя воспеваем, Отца славяще, Сына величающе, и Духу поклоняющеся, единому Естеству, воистину Богу. Жизнь же и живущее Царство безконечное.
Богородичен. Б ога Едина родила еси, и едина девою пребывши. О странному рожеству: о странному зачатию. Зачатие безсеменно и Рожество выше естества. Но о Богоневесто чистая, соблюди стадо Сына твоего, еже стяжа.
Канон Андрея Критского на первой неделе Великого поста. Видео
Покаянный Канон Андрея Критского на Великой павечернице в понедельник, вторник и среду первой недели поста. Читает архиепископ Донской и Кавказский (Еремеев). Ростов-на-Дону, 2017 год.
Великий канон Андрея Критского. Понедельник
Великий канон Андрея Критского. Вторник
Великий канон Андрея Критского. Среда
Канон Андрея Критского на Мáриино стояние. Видео
Великий покаянный канон Андрея Критского на Мáриио стояние с земными поклонами и отрывок из жития преподобной Мáрии. Канон читает иерей . Житие - Председатель Ростовской Общины (старец, 87 лет). Старообрядческий Покровский Собор Ростова-на-Дону. Среда вечер пятой Недели Великого поста, 2017 год.
19 февраля, в первый день Великого поста, начинают читать покаянный канон Андрея Критского. Что означает огромное количество ветхозаветных имен, какое отношение жившие давно люди имеют лично ко мне?
Отважиться на покаяние
В первый понедельник Великого поста (19 февраля), на вечерней службе, в полной темноте, все священство храма со свечами в руках под тихое пение хора выходит из алтаря в центр. Так начинается чтение Великого канона Андрея Критского, которое продолжается в Церкви вот уже почти 1200 лет.
Великий канон Андрея Критского называют покаянным. Но нельзя научить тому, чего сам не умеешь. Великий канон - это плод покаяния, который принес Богу святой Андрей.
О событиях Священной истории св. Андрей говорит как о событиях своей жизни, и не находит в ней ни одного грешника, на которого сам не был бы похож.
Но человеку, который отваживается на покаяние - честную, без самооправдания, оценку себя - Господь дает возможность измениться. Этот путь - от отчаяния к надежде - и прославляет Великий канон.
Герои и образы канона
Праотеческий чин из церкви Иоанна Златоуста в Коровниках, Ярославль, 1654 год. Фото с сайта skyscrapercity.com
Во время чтения Великого канона мы слышим множество имен, известных и не очень: Адам, Ева, Авель, Каин, Ламех, Хам, Давид, Соломон и т.д. Все это – реальные герои Священного писания, история жизни которых нам здесь приоткрывается. Но не это – главное.
«Ключ» к пониманию канона Андрея Критского в том, чтобы в библейских героях, в их падениях и подвигах увидеть свое падение и возможность восстания.
Святой Андрей рассказывает историю мира, отпавшего и возвращающегося к Богу, которая в то же время есть история души каждого из нас.
Потому что каждая душа проходит тем же путем испытаний, стоит перед тем же выбором.
Но как же увидеть в героях Библии – самого себя?
Вот мы читаем в самом начале Канона: «Вместо Евы чувственный мысленная ми бысть Ева, во плоти страстный помысл, показуяй сладкая и вкушаяй присно горькаго напоения». («Вместо чувственной Евы восстала во мне Ева мысленная - страстный помысел, обольщающий приятным, но при вкушении всегда напояющий горечью»). Что все это значит?
Пример Евы увлек Адама к греху. Так же каждого из нас влечет к греху мысленная ева – страстный, грешный помысел.
Пока страсть у человека не удовлетворена, он страдает, мучается. С удовлетворением страсти он надеется получить удовольствие, избавление от мучений. Это и обещает душе страстный помысел, толкая ее на грех, как когда-то толкнул он на грех нашу праматерь Еву.
Но как Ева обманулась в надежде получить блаженство от запретного плода, так обманывается в своих расчетах человек, мечтающий найти в грехе нескончаемую сладость.
Покаянный канон Андрея Критского читается Великим постом два раза: первый раз с понедельника по четверг первой недели Поста (14-17 марта) по частям, и второй раз, полностью, в четверг пятой седмицы Поста, на службе стояния Марии Египетской (14 апреля).
В понедельник, вторник, среду и четверг первой недели Поста читается по девять песен Канона. В конце шестой песни поется кондак: «Душе моя, душе моя, что спиши…» В это время полагается земной поклон.
На Великий канон удобнее приходить со своим текстом с параллельным русским переводом, чтобы следить за ходом чтения в храме, лучше понимая смысл. Можно заранее прочитать канон дома (с переводом). Во время службы чтения Канона в храме гасят свет, поэтому можно заранее купить свечу и зажигать ее во время чтения.
Совет: Если вы хотите понять смысл Покаянного канона и читать про библейских героев как про старых знакомых, без знания Священной истории не обойтись. Ее краткий, но полноценный вариант (с картинками) можно найти в книге прот. Серафима Слободского «Закон Божий».
Андрей Критский работал директором сиротского дома 20 лет
Св. Андрей Критский; современная фреска. Изображение с сайта foma.ru
Автора Великого покаянного канона, преподобного Андрея, архиепископа Критского (VII) до семи лет считали немым, - до этого возраста он не произнес ни слова. Когда же в семь лет святой Андрей впервые принял Причастие, немота прошла.
В четырнадцать лет святой Андрей поступает в монастырь и вскоре становится известен своей ученостью. Но богословие не мешает практическому милосердию: двадцать лет святой Андрей возглавляет Дом для сирот в Константинополе.
Здесь же он начинает заниматься церковной поэзией. Святого Андрея рукополагают в епископы и назначают на самую далекую кафедру империи - остров Крит. Почти ссылка становится для епископа, монаха и поэта временем расцвета: на острове он строит не только храмы, но и дома для сирот и стариков, а также пишет каноны почти на все двунадесятые (самые главные) праздники и многие великопостные богослужения, в том числе и дивные песнопения Страстной седмицы.
Первая песнь. Адам и Ева
Песнь первая
|
На русском языке |
На церковнославянском языке |
|
|
Ирмос: Помощник и Покровитель бысть мне во спасение, сей мой Бог, и прославлю Его, Бог отца моего, и вознесу Его: славно бо прославися. Припев: Помилуй мя, Боже, помилуй мя. Откуда начну оплакивать окаянной моей жизни деяния? Какое начало положу, Христе, нынешнему рыданию? Но, как милосердный, даруй мне прегрешений оставление. Прииди, окаянная душа, с плотию твоею, создателю всех исповедайся, воздержись, наконец, от прежнего неразумия и принеси Богу в покаянии слезы. Первозданному Адаму в преступлении поревновав, познал я себя отчужденным от Бога, от вечного Царства и блаженства, грехов ради моих. (Быт.3:6-7) Увы, несчастная душа моя, для чего уподобилась ты первозданной Еве? Ибо видела ты зло и уязвилась ты горько, прикоснулась ты к древу и вкусила ты дерзостно пагубной пищи. (Быт.3:6) Вместо чувственной Евы восстала во мне Ева мысленная, во плоти страстный помысл, показующий сладкое, и при вкушении всегда напаяющий горечью. Достойно изгнан был из Едема Адам, как не сохранивший одну твою заповедь, о Спаситель; я же что должен буду претерпеть, отметая всегда Твои животворные слова. (Быт.3:23) Слава: Пресущественная Троица во Еди́нице Покланяемая, возьми от меня бремя тяжкое греховное и как Милосердная, даруй мне слезы умиления. И ныне: Богородице, Надеждо и Предстательство Тебя воспевающих, возьми от меня бремя тяжкое греховное и, как Владычица Чистая, кающагося приими меня. |
Ирмос: Помощник и Покровитель бысть мне во спасение, Сей мой Бог, и прославлю Его, Бог Отца моего, и вознесу Его: славно бо прославися. Припев : Помилуй меня, Боже, помилуй меня. Откуду начну плакати окаяннаго моего жития деяний? кое ли положу начало, Христе, нынешнему рыданию? но, яко благоутробен, даждь ми прегрешений оставление. Гряди, окаянная душе, с плотию твоею, Зиждителю всех исповеждься и останися прочее преждняго безсловесия, и принеси Богу в покаянии слезы. Первозданнаго Адама преступлению поревновав, познах себе обнажена от Бога и присносущнаго Царствия и сладости, грех ради моих. Увы мне, окаянная душе, что уподобилася еси первей Еве? видела бо еси зле, и уязвилася еси горце, и коснулася еси древа, и вкусила еси дерзостно безсловесныя снеди. Вместо Евы чувственныя мысленная ми бысть Ева, во плоти страстный помысл, показуяй сладкая и вкушаяй присно горькаго напоения. Достойно из Едема изгнан бысть, яко не сохранив едину Твою, Спасе, заповедь Адам: аз же что постражду, отметая всегда животная Твоя словеса? Слава: Пресущная Троице, во Единице покланяемая, возьми бремя от мене тяжкое греховное и, яко благоутробна, даждь ми слезы умиления. И ныне: Богородице, Надежде и Предстательство Тебе поющих, возьми бремя от мене тяжкое греховное, и, яко Владычица Чистая, кающася приими мя. |
Первые люди, Адам и Ева, жили в раю радостно, в изобилии и свободно. Бог дал им только один запрет - не есть плодов с древа познания добра и зла, иначе они умрут. Но змей соблазнил и обманул Еву, сказав, что Бог запрещает людям есть плоды с древа, чтобы они не стали как боги, а не потому что это грозит смертью. Ева увидела, что плоды дерева привлекательны, попробовала их сама и угостила Адама. В результате вместо обретения божественных свойств Адам и Ева были изгнаны из рая на землю, где жизнь трудна и скудна. Преподобный Андрей говорит, что его душа уподобилась Еве, которая соблазнилась привлекательным видом греха, а также сравнивает с Евой свой помысел (мысль), представляющую грех сладким. Но последствия греха горьки. Прп.Андрей говорит, что Бог был прав, изгоняя Адама из рая за нарушение всего одного Его запрета, и что сам он достоин куда большего наказания, ведь нарушает множество заповедей постоянно. И также как Адам лишился рая за свой грех, также и прп.Андрей лишен Бога и блаженства из-за своих грехов.
Вторая песнь. Апостол Петр
Песнь вторая
|
На русском языке |
На церковнославянском языке |
|
|
Ирмос: Вонми небо, и возглаголю, и воспою Христа, от Девы плотию пришедшаго. Внемли мне, Боже Спасителю мой, милостивым Твоим оком, и прими мое пламенное исповедание. Согрешил я более всех людей, один я согрешил пред тобою; но как Бог, о Спаситель, помилуй создание Твое. (Тим.1:15) Вообразив моих страстей безобразие, любострастными стремлениями исказил я ума красоту. Буря зол окружает меня, милосердный Господи, но, как Петру, и мне руку простри. (Мф.14:31) Осквернил я одежду плоти моей и осквернил в себе, о Спаситель, Твой образ и подобие. Помрачил я красоту души страстными удовольствиями, и всячески весь ум прах сотворил. Раздрал я одежду мою первую, которую в начале изткал мне Создатель, и оттого лежу наг. Облеклся я в раздранную ризу, которую исткал мне змий коварством, и стыжуся. (Быт.3:21) Слезы блудницы, Щедрый, и я приношу, помилуй меня, о Спаситель, снисхождением Твоим. (Лк.7:38) Воззрел я на красоту сада, и прельстился умом; оттого лежу наг и стыжуся. На хребте моем делали все виновники страстей, умножая против меня беззакония свои. (Пс.128:3) Слава: Единого Тебя в трех Лицах, Бога всех пою, Отца и Сына и Духа Святого. И ныне: Пречистая Богородице Дево, едина всепетая, моли прилежно, чтобы спастися нам. |
Ирмос: Вонми, Небо, и возглаголю, и воспою Христа, от Девы плотию пришедшаго. Вонми, Небо, и возглаголю, земле, внушай глас, кающийся к Богу и воспевающий Его. Вонми ми, Боже, Спасе мой, милостивым Твоим оком и приими мое теплое исповедание. Согреших паче всех человек, един согреших Тебе; но ущедри, яко Бог, Спасе, творение Твое. Вообразив моих страстей безобразие, любосластными стремленьми погубих ума красоту. Буря мя злых обдержит, благоутробне Господи; но яко Петру и мне руку простри.Оскверних плоти моея ризу и окалях, еже по образу, Спасе, и по подобию. Омрачих душевную красоту страстей сластьми и всячески весь ум персть сотворих. Раздрах ныне одежду мою первую, юже ми изтка Зиждитель из начала, и оттуду лежу наг. Облекохся в раздранную ризу, юже изтка ми змий советом, и стыждуся. Слезы блудницы, Щедре, и аз предлагаю, очисти мя, Спасе, благоутробием Твоим.Воззрех на садовную красоту и прельстихся умом: и оттуду лежу наг и срамляюся. Делаша на хребте моем вси начальницы страстей, продолжающе на мя беззаконие их. Слава: Единаго Тя в Триех Лицех, Бога всех пою, Отца и Сына и Духа Святаго. И ныне: Пречистая Богородице Дево, Едина Всепетая, моли прилежно, во еже спастися нам. |
Бог создал человека прекрасным душою и телом, и вложил в каждого из нас Свой образ, Свой портрет. Грех уродует и душу и тело и прп.Андрей говорит о том, что он сам уродует себя страстями. Но здесь прп.Андрей уже думает не только о грехе и его последствиях, но обращается к Богу за спасением и просит Бога принять его исповедь. Если полностью сосредоточиться на грехе и не обращаться к Богу, никакое покаяние невозможно. Он вспоминает как апостол Петр в бурю увидел идущего к лодке Христа и попросил Его, если это действительно Он, повелеть Петру прийти к Нему по воде; Христос повелел, и Петр пошел, но на середине пути испугался и стал тонуть; и обратился ко Христу с просьбой спасти Его, а Христос протянул руку и спас. Прп.Андрей сравнивает зло, окружающее его, с бурей, а себя с тонущим (во зле) Петром, и просит Господа протянуть ему руку помощи, как некогда Петру. Эта песнь помогает нам осознать, что своими грехами мы вредим сами себе, и что нам есть к Кому обратиться за помощью и прощением.
Третья песнь. Господь - Пастырь мой
Песнь третья
|
На русском языке |
На церковнославянском языке |
|
|
Ирмос: На недвижимом, Христе, камени заповедей Твоих, утверди мое помышление. Когда огнь от Господа Господь одождил, попалил некогда землю содомскую. (Быт.19:24) На горе спасайся, душа, как Лот, и устремляйся в Сигор. (Быт.19:23) Беги, душа, от горения; беги от горящего Содома, беги от погубляющего божественнаго пламени. Согрешил я один пред Тобою, согрешил более всех, о Христос Спаситель, не презри меня. Ты — Пастырь добрый; найди меня, агнца, и заблудившагося не презри меня. (Ин.10:11-14) Ты — вожделенный Иисус; Ты — Создатель мой; Тобою, о Спаситель, оправдаюся. Исповедаюсь тебе, о Спаситель: согрешил я, согрешил пред Тобою; но разреши и прости меня, как милосердный. Слава: О Троица, Единица, Боже! Спаси нас от обольщения, от искушений и опасностей. И ныне: Радуйся, Бога вместившее чрево; радуйся, престол Господень; радуйся, Матерь Жизни нашей. |
Ирмос: На недвижимом, Христе, камени заповедей Твоих утверди мое помышление. Огнь от Господа иногда Господь одождив, землю содомскую прежде попали. На горе спасайся, душе, якоже Лот оный, и в Сигор угонзай. Бегай запаления, о душе, бегай содомскаго горения, бегай тления Божественнаго пламене. Согреших Тебе един аз, согреших паче всех, Христе Спасе, да не презриши мене. Ты еси Пастырь добрый, взыщи мене, агнца, и заблуждшаго да не презриши мене. Ты еси сладкий Иисусе, Ты еси Создателю мой, в Тебе, Спасе, оправдаюся. Исповедаюся Тебе, Спасе, согреших, согреших Ти; но ослаби, остави ми, яко благоутробен. Слава: О Троице Единице Боже, спаси нас от прелести, и искушений, и обстояний. И ныне: Радуйся, Богоприятная утробо, радуйся, престоле Господень, радуйся, Мати Жизни нашея. |
Лот был племянник праведного Авраама, выбравший себе место жительство рядом с Содомом и Гоморрой. Про жителей этих городов Писание говорит, что они были «злы и весьма грешны пред Господом» и что жалобы на них доносились до Бога. Поэтому Господь решил уничтожить эти города, но сначала проверить, действительно ли их жители так грешны, как о них говорят - сошел на землю и остановился у Лота. После того, как Лот всю ночь защищал своих гостей от своих соседей, Содом и Гоморру было решено наказать, а Лоту с семейством было сказано бежать из Содома и не оглядываться. Также и нам надо бежать от греха, на который проливается гнев Божий огнем и серой, и не оглядываться на грех с сожалением о нем. В Писании Бог часто называется Пастырем - пастухом, который пасет овец - верных Ему людей. Пастух - это тот, кто знает, где находятся пастбища с самой сочной и зеленой травой и приводит стадо туда, кто защищает своих овец от волков и готов, как говорит Христос, оставить 99 овец ради того, чтобы пойти искать одну заблудившуюся овцу. Именно с этой одной потерянной овечкой (агнцем) мы и сравниваемся в каноне, и просим Господа нас найти.
Четвертая песнь. Лествица Иакова, Лия и Рахиль
Песнь четвертая
|
На русском языке |
На церковнославянском языке |
|
|
Ирмос: Услышал пророк о пришествии Твоем, Господи, и устрашился, что Тебе угодно родиться от Девы и явиться людям, и сказал: услышал я весть о Тебе и устрашился; слава силе Твоей, Господи. Не презри творений Твоих, не оставь создания Твоего, Праведный Судия, ибо хотя я, как человек, один согрешил более всякого человека, но Ты, Человеколюбец, как Господь всего мира, имеешь власть отпускать грехи. (Мк.2:10) Конец приближается, душа, приближается, и ты не заботишься, не готовишься; время сокращается - восстань: Судия уже близко - при дверях; время жизни проходит, как сновиденье, как цвет. Для чего мы напрасно суетимся? (Мф.24:33; Пс.38:7) Пробудись, душа моя, размысли о делах своих, которые ты сделала, представь их пред своими очами, и пролей капли слез твоих, безбоязненно открой Христу дела и помышления твои и оправдайся. Нет в жизни ни греха, ни деяния, ни зла, в которых я не был бы виновен, Спаситель, умом, и словом, и произволением, согрешив и намерением, и мыслью, и делом так, как никто другой никогда. Потому и обвиняюсь, потому и осуждаюсь я, несчастный, своею совестью, строже которой нет ничего в мире; Судия, Искупитель мой и Испытатель, пощади, избавь и спаси меня, раба Твоего. Лестница, которую в древности видел великий из патриархов, служит указанием, душа моя, на восхождение делами, на возвышение разумом; поэтому, если хочешь жить в деятельности и в разумении и созерцании, то обновляйся.(Быт.28:12) Патриарх по нужде терпел дневной зной и переносил ночной холод, ежедневно сокращая время, пася стада, трудясь и служа, чтобы получить себе две жены.(Быт.31:7-40) Под двумя женами понимай деятельность и разумение в созерцании: под Лиею, как многочадною, - деятельность, а под Рахилью, как полученной через многие труды, - разумение, ибо без трудов, душа, ни деятельность, ни созерцание не усовершенствуются. Слава: Нераздельным по существу, неслиянным по Лицам богословски исповедую Тебя, Троичное Единое Божество, Соцарственное и Сопрестольное; возглашаю Тебе великую песнь, в небесных обителях троекратно воспеваемую. И ныне: И рождаешь Ты, и остаешься Девою, в обоих случаях сохраняя по естеству девство. Рожденный Тобою обновляет закон природы, а девственное чрево рождает; когда пожелает Бог, то нарушается порядок природы, ибо Он творит, что хочет. |
Ирмос: Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи. Дел Твоих да не презриши, создания Твоего да не оставиши, Правосуде. Аще и един согреших яко человек, паче всякаго человека, Человеколюбче; но имаши, яко Господь всех, власть оставляти грехи. Приближается, душе, конец, приближается, и нерадиши, ни готовишися, время сокращается, востани, близ при дверех Судия есть. Яко соние, яко цвет, время жития течет: что всуе мятемся? Воспряни, о душе моя, деяния твоя яже соделала еси помышляй, и сия пред лице твое принеси, и капли испусти слез твоих; рцы со дерзновением деяния и помышления Христу, и оправдайся. Не бысть в житии греха, ни деяния, ни злобы, еяже аз, Спасе, не согреших, умом и словом, и произволением, и предложением, и мыслию, и деянием согрешив, яко ин никтоже когда. Отсюду и осужден бых, отсюду препрен бых аз окаянный от своея совести, еяже ничтоже в мире нужнейше; Судие, Избавителю мой и Ведче, пощади и избави, и спаси мя раба Твоего. Лествица, юже виде древле великий в патриарсех, указание есть, душе моя, деятельнаго восхождения, разумнаго возшествия; аще хощеши убо деянием, и разумом, и зрением пожити, обновися. Зной дневный претерпе лишения ради патриарх, и мраз нощный понесе, на всяк день снабдения творя, пасый, труждаяйся, работаяй, да две жене сочетает. Жены ми две разумей, деяние же и разум в зрении, Лию убо деяние, яко многочадную, Рахиль же разум, яко многотрудную; ибо кроме трудов, ни деяние, ни зрение, душе, исправится. Слава: Нераздельное Существом, Неслитное Лицы богословлю Тя, Троическое Едино Божество, яко Единоцарственное и Сопрестольное, вопию Ти песнь великую, в вышних трегубо песнословимую. И ныне: И раждаеши, и девствуеши, и пребываеши обоюду естеством Дева, Рождейся обновляет законы естества, утроба же раждает нераждающая. Бог идеже хощет, побеждается естества чин: творит бо, елика хощет. |
Для того, чтобы призвать себя к покаянию, св.Андрей вспоминает о том, что скоро придет смерть (конец), и что после смерти будет суд, и Судья уже близко, «при дверях». Это выражение из Евангелия, говорящее, что конец света - или Царство Божие - вот-вот настанут. И чтобы они не застали нас врасплох, надо бодрствовать и молиться, не расслабляться. Поэтому св.Андрей призывает душу пробудиться. Во сне мы без сознания и не понимаем, что делаем, в жизни мы можем формально бодрствовать, но так же жить бессознательно, плыть по течению, грешить, потому что «все грешат». Когда же человек пробуждается, он видит, что нарушил каждую заповедь и просит Бога помиловать его. Но мало просить о помиловании, надо меняться. Лестница, о которой идет речь, это лестница, которую увидел во сне Иаков, идущий в чужую страну: «вот, лестница стоит на земле, а верх ее касается неба; и вот, Ангелы Божии восходят и нисходят по ней. 13 И вот, Господь стоит на ней и говорит: Я Господь, Бог Авраама, отца твоего, и Бог Исаака. Землю, на которой ты лежишь, Я дам тебе и потомству твоему». Иаков понял, что он не один, что Бог с ним и небо с землею связаны. Св. Андрей говорит, что не только Ангелы должны спускаться по лестнице, но и мы должны восходить на небо, а не просто просить о помиловании. Когда же Иаков пришел в дом своего дяди Лавана, он увидел прекрасную дочь Лавана Рахиль и влюбился. У него не было никакого имущества и Лаван поставил условие, что Иаков должен проработать на него семь лет и только после этого он получит Рахиль в жены. Спустя семь лет устроили свадьбу, но Лаван обманул Иакова и дал ему в жены не Рахиль, а ее старшую некрасивую сестру Лию. Обнаружилось это только наутро. Впрочем, еще за семь лет работы на него Лаван был готов отдать Иакову Рахиль в жены тоже и сразу же. Есть традиция толкования Лии как телесных трудов (пост, бдение), а Рахили как созерцания в молитве и духовных сладостей. Об этом говорит здесь св.Андрей и прибавляет, что в духовной жизни ничего нельзя добиться без труда - ни поста, ни созерцания.
Пятая песнь. Рувим и Иосиф
Песнь пятая
|
На русском языке |
На церковнославянском языке |
|
|
Ирмос: От нощи утреннююща, Человеколюбче, просвети, молюся, и настави и мене на повеления Твоя, и научи мя Спасе, творити волю Твою. В нощи жизнь мою проходил постоянно, ибо тьмой и глубокой мглой была для меня ночь греха, но как сына дня, Спаситель, покажи меня. (Еф.5:8) Рувиму подражая окаянный, содеял я беззаконное и преступное дело пред Богом Всевышним, осквернив ложе мое, как отчее он. (Быт.35:22, 49:4) Исповедаюсь тебе, Христе царю; согрешил я, согрешил, как прежде братья, продавшие Иосифа — плод чистоты и целомудрия. (Быт.37:28) От сродников праведная душа связалась, вожделенный продан в рабство, прообразуя Господа, ты же, душа, сама всю продала себя твоими пороками. Подражай праведному Иосифу и /его/ целомудренному нраву, несчастная и непотребная душа, не оскверняйся безрассудными стремлениями, всегда беззаконнуя. Иосиф был некогда в рове, Владыка Господи, но как прообраз Твоего погребения и воскресения, а я когда что подобное Тебе принесу? Слава: Тебя Троице славим, Единаго Бога: Свят, Свят, Свят Ты Отче, Сыне и Душе, Простое Существо, Единица всегда покланяемая. И ныне: Из Тебя облечен в мой состав Непорочная безмужная Матерь-Дева Бог, создавший веки, и соединил с Собою человеческое естество. |
Ирмос: От нощи утренююща, Человеколюбче, просвети, молюся, и настави и мене на повеления Твоя, и научи мя, Спасе, творити волю Твою. В нощи житие мое преидох присно, тьма бо бысть, и глубока мне мгла, нощь греха, но яко дне сына, Спасе, покажи мя. Рувима подражая, окаянный аз, содеях беззаконный и законопреступный совет на Бога Вышняго, осквернив ложе мое, яко отчее он. Исповедаюся Тебе, Христе Царю: согреших, согреших, яко прежде Иосифа братия продавшии, чистоты плод и целомудрия. От сродников праведная душа связася, продася в работу сладкий, во образ Господень: ты же вся, душе, продалася еси злыми твоими. Иосифа праведнаго и целомудреннаго ума подражай, окаянная и неискусная душе, и не оскверняйся безсловесными стремленьми, присно беззаконнующи. Аще и в рове поживе иногда Иосиф, Владыко Господи, но во образ погребения и востания Твоего: аз же что Тебе когда сицевое принесу? Слава: Тя, Троице, славим Единаго Бога: Свят, Свят, Свят еси, Отче, Сыне и Душе, Простое Существо, Единице присно покланяемая. И ныне: Из Тебе облечеся в мое смешение, нетленная, безмужная Мати Дево, Бог, создавый веки, и соедини Себе человеческое естество. |
Рувим был старшим сыном Иакова от Лии, а Иосиф - старшим сыном от Рахили. Когда Рувим вырос, он переспал с наложницей своего отца и тем тяжко согрешил. Св.Андрей сравнивает себя с Рувимом, говоря, что он осквернил свое ложе, как Рувим - ложе отца. Рувиму противопоставляется праведный Иосиф. Иаков любил Иосифа больше других сыновей, а братья его не любили. Поэтому они решили избавиться от него, сорвали с него одежду и посадили в ров, а потом продали Иосифа в рабство в Египет. Отцу братья принесли одежду Иосифа и сказали, что его разорвали дикие звери. Иосиф стал любимым рабом царедворца по имени Потифар, и тот доверял Иосифу как самому себе. Иосиф был красив, поэтому жена Потифара воспылала к нему страстью, и уговаривала его спать с нею, но Иосиф всячески уклонялся от этого. В какой-то момент она схватила его за одежду, но он сбежал, оставив одежду у нее в руках. Тогда она оклеветала его перед мужем в том, в чем была виновна сама. Св.Андрей призывает свою душу подражать не Рувиму, а Иосифу.
Шестая песнь. Моисей
Песнь шестая
|
На русском языке |
На церковнославянском языке |
|
|
Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой. Приношу Тебе, о Спаситель, слезы чистые очей моих и воздыхания из глубины сердца, взывающаго: Боже, согрешил я Тебе, очисти меня. Уклонилась ты, душа, от Господа своего, как Дафан и Авирон; но воззови /к Нему/ из глубины преисподней: пощади! — да пропасть земная не покроет тебя. (Чис.16:32) Рассвирепев, как юница, душа, ты уподобилась Ефрему; как серна от сетей, спасай жизнь, окрылив ум деянием и созерцанием.(Ос.10:11) Моисеева рука да уверит нас, душа, как Бог может убелить и очистить прокаженное житие, и не отчайся сама себя, если ты и прокажена. (Исх.4:6-7) Слава: Троица есмь Проста, Нераздельная, Раздельная в Лицах и Единица соединенная в существе, Отец вещает и Сын и Божественный Дух. И ныне: Утроба Твоя Бога нам роди, принявшего образ наш, Его, как Создателя всех, моли, Богородица, да молитвами Твоими оправдаемся. Кондак, глас 6-й: Душе моя, душе моя, востани, что спиши? Конец приближается, и имаши смутитися: воспряни, убо, да пощадит тя Христос Бог, везде Сый и вся Исполняяй. |
Ирмос: Возопих всем сердцем моим к щедрому Богу, и услыша мя от ада преисподняго, и возведе от тли живот мой. Слезы, Спасе, очию моею и из глубины воздыхания чисте приношу, вопиющу сердцу: Боже, согреших Ти, очисти мя. Уклонилася еси, душе, от Господа твоего, якоже Дафан и Авирон, но пощади, воззови из ада преисподняго, да не пропасть земная тебе покрыет. Яко юница, душе, разсвирепевшая, уподобилася еси Ефрему, яко серна от тенет сохрани житие, вперивши деянием ум и зрением. Рука нас Моисеова да уверит, душе, како может Бог прокаженное житие убелити и очистити, и не отчайся сама себе, аще и прокаженна еси. Слава: Троица есмь Проста, Нераздельна, раздельна Личне, и Единица есмь естеством соединена, Отец глаголет, и Сын, и Божественный Дух. И ныне: Утроба Твоя Бога нам роди, воображена по нам: Егоже, яко Создателя всех, моли, Богородице, да молитвами Твоими оправдимся.Господи, помилуй. (Трижды.)Слава, и ныне: Душе моя, душе моя, востани, что спиши? конец приближается, и имаши смутитися: воспряни убо, да пощадит тя Христос Бог, везде сый и вся исполняяй. |
Моисей был избран Богом для того, чтобы вывести народ Израильский - потомков Иакова - из Египта, где они оказались рабами. Шли они в Израиль - землю, обещанную Богом еще Аврааму. Шли через пустыню и не всегда путь был легок, хотя Господь шел с ними всегда. Против Моисея эпизодически возникали бунты с подтекстом «почему он нами командует, мы так же избраны Богом, как и он!». Сначала Аарон - помощник Моисея, - и его сестра Мариам упрекали Моисея за жену-эфиоплянку (то есть не из израильского народа). В наказание Мариам побелела от проказы и только благодаря молитве Моисея очистилась от нее. Дафан и Авирон обвиняли Моисея в том, что он привел их из сытного Египта в пустыню и хочет властвовать над ними. Под ними разверзлась земля. Нас же св.Андрей призывает покаяться и просить о прощении, а также верить, что как Моисей смог очистить Мариам от проказы, так же и наша жизнь может быть очищена от греха.
Именем Ефрем в Ветхом Завете иногда называют Северное (Израильское) царство. Пророк Осия говорит: «Ефрем - обученная телица, привычная к молотьбе, и Я Сам возложу ярмо на тучную шею его; на Ефреме будут верхом ездить, Иуда будет пахать, Иаков будет боронить». Телицы, на которых молотили, могли беспрепятственно есть в это время зерно и жизнь их была сытной. С такой-то телицей сравнивает Осия Израиль, а св.Андрей уже нас, и призывает не успокаиваться в сытости, но стремиться к небу.
Седьмая песь. Царь и пророк Давид
Песнь седьмая
|
На русском языке |
На церковнославянском языке |
|
|
Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам, но не предаждь нас до конца, отцев Боже. Согрешил, беззаконновал и отверг заповедь Твою, ибо рожден я в грехах, и к язвам приложил раны себе, но Сам меня помилуй, как Милосердный, отцев Боже. Тайны сердца моего я открыл Тебе, Судии моему: виждь смирение мое, виждь и скорбь мою, и вонми суду моему ныне и Сам помилуй меня, как Милосердный, отцев Боже. (Пс.37:19, 24:18, 34:23) Саул, когда потерял ослиц отца своего, внезапно получил царство с известием, но храни и не забывай себя, душа, скотские вожделения твои предпочитая более Царства Христова. (1 Цар.9:10) Давид некогда богоотец согрешил, душа моя, быв устрелен стрелою прелюбодейства и пленен копьем жестокого убийства; но ты, душа моя, сама страдаешь тягчайшими сих дел недугами — стремлениями собственного хотения. (2 Цар.11:4-15) Присовокупил некогда Давид беззаконие к беззаконию, с убийством соединив прелюбодеяние, покаяние сугубое показал тотчас, но сама ты, душа, бо’лыпие совершив грехи, не покаялась Богу. Давид некогда, изображая образно, составил песнь, которой обличает содеянное, взывая: помилуй меня, ибо согрешил я пред Тобою единым, Богом всех; Сам очисти меня. (Пс.50:1) Слава: Троица Простая, Нераздельная, Единосущная и Естество Единое, Светы и Свет, Святые Три и Единое Святое поется Бог Троица, но воспой, прославь, душа, Жизнь и Жизни, всех Бога. И ныне: Воспеваем Тебя, благословляем Тебя, поклоняемся Тебе, Богородительница, ибо нераздельной Троицы родила Ты Единого Сына и Бога, и Сама открыла для нас, сущих на земле, /селения/ Небесные. |
Ирмос: Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам; но не предаждь нас до конца, отцев Боже. Согреших, беззаконновах и отвергох заповедь Твою, яко во гресех произведохся, и приложих язвам струпы себе; но Сам мя помилуй, яко благоутробен, отцев Боже. Тайная сердца моего исповедах Тебе, Судии моему, виждь мое смирение, виждь и скорбь мою, и вонми суду моему ныне, и Сам мя помилуй, яко благоутробен, отцев Боже. Саул иногда, яко погуби отца своего, душе, ослята, внезапу царство обрете к прослутию; но блюди, не забывай себе, скотския похоти твоя произволивши паче Царства Христова. Давид иногда Богоотец, аще и согреши сугубо, душе моя, стрелою убо устрелен быв прелюбодейства, копием же пленен быв убийства томлением; но ты сама тяжчайшими делы недугуеши, самохотными стремленьми. Совокупи убо Давид иногда беззаконию беззаконие, убийству же любодейство растворив, покаяние сугубое показа абие; но сама ты, лукавнейшая душе, соделала еси, не покаявшися Богу. Давид иногда вообрази, списав яко на иконе песнь, еюже деяние обличает, еже содея, зовый: помилуй мя, Тебе бо единому согреших всех Богу, Сам очисти мя. Слава: Троице Простая, Нераздельная, Единосущная и Естество Едино, Светове и Свет, и Свята Три, и Едино Свято поется Бог Троица; но воспой, прослави Живот и Животы, душе, всех Бога. И ныне: Поем Тя, благословим Тя, покланяемся Ти, Богородительнице, яко Нераздельныя Троицы породила еси Единаго Христа Бога, и Сама отверзла еси нам, сущим на земли, Небесная. |
Царь Давид был праведником и любил Бога. Но однажды он увидел Вирсавию, чужую жену, чей муж, Урия, был на войне, послал за нею и прелюбодействовал с ней. Вирсавия забеременела, и, чтобы скрыть это, Давид вызвал к себе с войны Урию, надеясь, что тот пойдет спать с женой и можно будет сделать вид, что ребенок от него. Но Урия не пошел. Тогда Давид приказал военачальнику поставить Урию при сражении в то место, где его точно убьют, и Урию убили. Так Давид «присоединил беззаконие к беззаконию», к прелюбодеянию убийство. Но вскоре, после обличения пророком Нафаном, Давид раскаялся и написал 50-й псалом. Св.Андрей говорит, что хотя он и не совершал подобных поступков, но душа его страдает от желания совершить грех и это делает его грешнее Давида. Но Давид хотя бы раскаялся в своем грехе, а он не кается. И далее цитата из 50-го псалма: «помилуй мя, Тебе бо Единому согреших всех Богу, Сам очисти мя» переходит в молитву самого св.Андрея и становится и нашей молитвой.
Восьмая песнь. Илия и Елисей
Песнь восьмая
|
На русском языке |
На церковнославянском языке |
|
|
Ирмос: Егоже воинства небесная славят и трепещут Херувими и Серафими, всяко дыхание и тварь пойте, благословите и превозносите во вся веки. Согрешившего меня, о Спаситель, помилуй, воздвигни мой ум к обращению, приими меня кающагося, умилосердись к взывающему: согрешил Тебе — спаси, беззаконовал — помилуй меня. Колесничник Илия, возшед на колесницу добродетелей, как бы на небеса вознесся некогда превыше земнаго; итак по тому, душа моя, о его восходе размышляй. (4 Цар.2:11) Елисей некогда, приняв милоть Илии, принял сугубую благодать от Господа, ты же, душа моя, не получила этой за невоздержание. (4 Цар.2:9) Поток Иордана некогда милотию Илииной Елисей разделил на две стороны; ты же, душа моя, не получила этой за невоздержание. (4 Цар.2:14) Соманитянка некогда праведника угостила, о душа, с добрым усердием, ты же не ввела в дом твой ни странника, ни путника, потому будешь извержена вон из брачнаго чертога, рыдая. (4 Цар.4:8) Гиезиеву подражала ты, злосчастная душа, скверному нраву, всегдашнее сребролюбие которого отложи хотя на старость, убегай геенского огня, отступив от твоих злых дел. (4 Цар.5:20) Слава: О Безначальный Отец, Сын Собезначальный, о Утешитель Благий Дух правый, Слова Божия Родитель, Отца Безначального Слово, Дух, живущий и созидающий, Троице Единица, помилуй меня. И ныне: Как из пурпурового состава, Пречистая, мысленная багряница — плоть Эммануила во чреве Твоем соткалась, поэтому Тебя, как Богородицу, воистину почитаем. |
Ирмос: Егоже воинства Небесная славят, и трепещут херувими и серафими, всяко дыхание и тварь, пойте, благословите и превозносите во вся веки. Согрешивша, Спасе, помилуй, воздвигни мой ум ко обращению, приими мя кающагося, ущедри вопиюща: согреших Ти, спаси, беззаконновах, помилуй мя. Колесничник Илия колесницею добродетелей вшед, яко на небеса, ношашеся превыше иногда от земных: сего убо, душе моя, восход помышляй.Елиссей иногда прием милоть Илиину, прият сугубую благодать от Бога; ты же, о душе моя, сея не причастилася еси благодати за невоздержание. Иорданова струя первее милотию Илииною Елиссеем ста сюду и сюду; ты же, о душе моя, сея не причастилася еси благодати за невоздержание. Соманитида иногда праведнаго учреди, о душе, нравом благим; ты же не ввела еси в дом ни странна, ни путника. Темже чертога изринешися вон, рыдающи. Гиезиев подражала еси, окаянная, разум скверный всегда, душе, егоже сребролюбие отложи поне на старость; бегай геенскаго огня, отступивши злых твоих. Слава: Безначальне Отче, Сыне Собезначальне, Утешителю Благий, Душе Правый, Слова Божия Родителю, Отца Безначальна Слове, Душе Живый и Зиждяй, Троице Единице, помилуй мя. И ныне: Яко от оброщения червленицы, Пречистая, умная багряница Еммануилева внутрь во чреве Твоем плоть исткася. Темже Богородицу воистинну Тя почитаем. |
Св.Андрей просит Бога помиловать его и вспоминает двух великих пророков - Илию и Елисея. Илия был великим пророком, боровшимся с идолопоклонством в Израиле. Силой Божьей он низводил огонь с неба, заставлял воды Иордана расступаться перед ним, воскрешал мертвых и был взят живым на небо, куда вознесся в огненной колеснице. Елисей был учеником Илии и перед взятием Илии на небо попросил, чтобы дух, который был в Илии, был бы в нем в два раза сильнее. Елисей также заставил воды Иордана расступаться перед ним, обезвреживал ядовитую пищу и воскрешал и исцелял людей. Христос говорит апостолам, что верующие в него будут совершать подобные же чудеса: «17 Уверовавших же будут сопровождать сии знамения: именем Моим будут изгонять бесов; будут говорить новыми языками; 18 будут брать змей; и если что смертоносное выпьют, не повредит им; возложат руки на больных, и они будут здоровы». (Мк.16:17-18) и св.Андрей сокрушается, что он не совершает ничего подобного из-за своего невоздержания.
Богатая женщина из Сонама, сонамитянка, глубоко почитала Елисея и упрашивала его приходить к ней поесть. Привечание странников - одна из важнейших добродетелей, и св.Андрей сокрушается о своей чуждости ей.
Гиезий - слуга пророка Елисея. Когда Елисей исцелил человека от проказы и ничего не взял за это, Гиезий побежал за ним вслед и солгал, что Елисей требует денег. Деньги, конечно же, Гиезий хотел взять себе. За это проказа по слову Елисея перешла на него. Св.Андрей призывает себя и нас оставить любовь к деньгам, чтобы нас не постигло нечто похуже проказы - геена огненная.
Уклониться от зла и сотворить благо
Хоть мы и не можем исцелять от проказы и воскрешать мертвых, мы можем быть милосердными и помогать ближним. Арина Чабан страдает от искривления позвоночника. Он сдавливает внутренние органы и Арине становится все труднее дышать, не говоря уже о боли. Нужна срочная операция, на которой позвоночник укрепят титановой конструкцией. Имплант стоит почти миллион рублей. И тут надежда только на Божье и человеческое милосердие.
Закон бессилен, Евангелие — праздно, все Писание у тебя в небрежности, пророки и всякое праведное слово напрасны, раны твои, душа, умножились без Врача, Который исцелил бы тебя.
Нового Писания привожу тебе указания, вводящие тебя, душа, к умилению; праведным подражай, грешных же отвращайся, и умилостивляй Христа молитвами, пощением, чистотою и непорочностью.
Христос вочеловечился, призвав к покаянию разбойников и блудниц, душа, покайся, дверь Царствия уже отверста и прежде тебя входят в нее фарисеи и мытари и прелюбодеи кающиеся. (Мф.21:31)
Христос вочеловечился, восприняв плоть мою, и все свойственное естеству добровольно испытал, кроме греха, показуя тебе, душа, подобие и образ Своего снисхождения.
Христос волхвов спас, призвал пастырей, младенцев множество соделал мучениками, прославил старца и старую вдовицу; их деяниям и жизни ты не поревновала, душа, но горе тебе, когда будешь судиться! (Мф.2:1; Лк.2:8; Мф.2:16; Лк.2:26-37)
Постившись Господь сорок дней в пустыне, после взалкал, показуя человеческое /естество/: душа, не унывай, не разленись, если враг устремится на тебя, но молитвами и постом да отразится он от ног твоих. (Мф.4:2)
Слава: Отца прославим, Сына превознесем, Божественному Духу с верой поклонимся, Троице нераздельной, Единице по существу, как Свету и Светом, и Жизни Жизням, животворящей и просвещающей концы.
И ныне: Град Твой сохраняй, Богородительнице Пречистая, Тобою верно царствуя, Тобою и утверждается, Тобою побеждая, побеждает всякое искушение, торжествует над врагами и имеет их в послушании.
Преподобне отче Андрее, моли Бога о нас.
Андрее честный, отче треблаженнейший, пастырь Критский, не преставай молиться о воспевающих тебя, да избавимся все гнева и скорби, и тления, и прегрешений безмерных, чтущие твою память верно.
Ирмос: Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.
Ум острупися, тело оболезнися, недугует дух, слово изнеможе, житие умертвися, конец при дверех. Темже, моя окаянная душе, что сотвориши, егда приидет Судия испытати твоя?
Моисеово приведох ти, душе, миробытие, и от того все заветное Писание, поведающее тебе праведныя и неправедныя: от нихже вторыя, о душе, подражала еси, а не первыя, в Бога согрешивши.
Закон изнеможе, празднует Евангелие, Писание же все в тебе небрежено бысть, пророцы изнемогоша и все праведное слово; струпи твои, о душе, умножишася, не сущу врачу, исцеляющему тя.
Новаго привожду ти Писания указания, вводящая тя, душе, ко умилению: праведным убо поревнуй, грешных же отвращайся и умилостиви Христа молитвами же, и пощеньми, и чистотою, и говением.
Христос вочеловечися, призвав к покаянию разбойники и блудницы; душе, покайся, дверь отверзеся Царствия уже, и предвосхищают е фарисее и мытари и прелюбодеи кающиися.
Христос вочеловечися, плоти приобщився ми, и вся елика суть естества хотением исполни греха кроме, подобие тебе, о душе, и образ предпоказуя Своего снисхождения.
Христос волхвы спасе, пастыри созва, младенец множества показа мученики, старцы прослави и старыя вдовицы, ихже не поревновала еси, душе, ни деянием, ни житию, но горе тебе, внегда будеши судитися.
Постився Господь дний четыредесять в пустыни, последи взалка, показуя человеческое; душе, да не разленишися, аще тебе приложится враг, молитвою же и постом от ног твоих да отразится.
Слава: Отца прославим, Сына превознесем, Божественному Духу верно поклонимся, Троице Нераздельней, Единице по существу, яко Свету и Светом, и Животу и Животом, животворящему и просвещающему концы.
И ныне: Град Твой сохраняй, Богородительнице Пречистая, в Тебе бо сей верно царствуяй, в Тебе и утверждается, и Тобою побеждаяй, побеждает всякое искушение, и пленяет ратники, и проходит послушание.
Андрее честный и отче треблаженнейший, пастырю Критский, не престай моляся о воспевающих тя: да избавимся вси гнева и скорби, и тления, и прегрешений безмерных, чтущии твою память верно.Таже оба лика вкупе поют Ирмос:Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.В канонах припев как молитвенное воззвание произносится перед всеми тропарями каждой песни, если не указан другой припев, кроме тех, которые начинаются словами "Слава Отцу и Сыну и Святому Духу" и "И ныне и присно, и во веки веков. Аминь.
Ирмос : Помощник и Покровитель бысть мне во спасение, Сей мой Бог, и прославлю Его, Бог Отца моего, и вознесу Его: славно бо прославися.
Откуду начну плакати окаяннаго моего жития деяний? кое ли положу начало, Христе, нынешнему рыданию? но яко благоутробен, даждь ми прегрешений оставление.
Гряди, окаянная душе, с плотию твоею, Зиждителю всех исповеждься, и останися прочее преждняго безсловесия, и принеси Богу в покаянии слезы.
Первозданнаго Адама преступлению поревновав, познах себе обнажена от Бога и присносущнаго Царствия и сладости, грех ради моих.
Увы мне, окаянная душе, что уподобилася еси первей Еве? видела бо еси зле, и уязвилася еси горце, и коснулася еси древа, и вкусила еси дерзостно безсловесныя снеди.
Вместо Евы чувственныя мысленная ми бысть Ева, во плоти страстный помысл, показуяй сладкая и вкушаяй присно горькаго напоения.
Достойно из Едема изгнан бысть, яко не сохранив едину Твою, Спасе, заповедь Адам: аз же что постражду, отметая всегда животная Твоя словеса?
Каиново прешед убийство, произволением бых убийца совести душевней, оживив плоть и воевав на ню лукавыми моими деяньми.
Авелеве, Иисусе, не уподобихся правде, дара Тебе приятна не принесох когда, ни деяния божественна, ни жертвы чистыя, ни жития непорочнаго.
Яко Каин и мы, душе окаянная, всех Содетелю деяния скверная, и жертву порочную, и непотребное житие принесохом вкупе: темже и осудихомся.
Брение Здатель живосоздав, вложил еси мне плоть, и кости, и дыхание, и жизнь; но, о Творче мой, Избавителю мой и Судие, кающася приими мя.
Извещаю Ти, Спасе, грехи, яже содеях, и души и тела моего язвы, яже внутрь убийственнии помыслы разбойнически на мя возложиша.
Аще и согреших, Спасе, но вем, яко Человеколюбец еси, наказуеши милостивно и милосердствуеши тепле: слезяща зриши и притекаеши, яко отец, призывая блуднаго.
Повержена мя, Спасе, пред враты Твоими, поне на старость не отрини мене во ад тща, но прежде конца, яко Человеколюбец, даждь ми прегрешений оставление.
В разбойники впадый аз есмь помышленьми моими, весь от них уязвихся ныне и исполнихся ран, но, Сам ми представ, Христе Спасе, исцели.
Священник, мя предвидев, мимо иде, и левит, видя в лютых нага, презре, но, из Марии возсиявый, Иисусе, Ты, представ, ущедри мя.
Агнче Божий, вземляй грехи всех, возьми бремя от мене тяжкое греховное и, яко благоутробен, даждь ми слезы умиления.
Покаяния время, прихожду Ти, Создателю моему: возьми бремя от мене тяжкое греховное и, яко благоутробен, даждь ми слезы умиления.
Не возгнушайся мене, Спасе, не отрини от Твоего лица, возьми бремя от мене тяжкое греховное и, яко благоутробен, даждь мне грехопадений оставление.
Вольная, Спасе, и невольная прегрешения моя, явленная и сокровенная и ведомая и неведомая, вся простив, яко Бог, очисти и спаси мя.
От юности, Христе, заповеди Твоя преступих, всестрастно небрегий, унынием преидох житие. Темже зову Ти, Спасе: поне на конец спаси мя.
Богатство мое, Спасе, изнурив в блуде, пуст есмь плодов благочестивых, алчен же зову: Отче щедрот, предварив, Ты мя ущедри.
Тебе припадаю, Иисусе, согреших Ти, очисти мя, возьми бремя от мене тяжкое греховное и, яко благоутробен, даждь ми слезы умиления.
Не вниди со мною в суд, нося моя деяния, словеса изыскуя и исправляя стремления. Но в щедротах Твоих презирая моя лютая, спаси мя, Всесильне.
Иный канон преподобныя матере нашея Марии Египетския, глас 6:
Ты ми даждь светозарную благодать от Божественнаго свыше промышления избежати страстей омрачения и пети усердно твоего, Марие, жития красная исправления.
Преподобная мати Марие, моли Бога о нас.
Приклоньшися Христовым Божественным законом, к сему приступила еси, сладостей неудержимая стремления оставивши, и всякую добродетель всеблагоговейно, яко едину, исправила еси.
Молитвами твоими нас, Андрее, избави страстей безчестных и Царствия ныне Христова общники верою и любовию воспевающия тя, славне, покажи, молимся.
Слава : Пресущественная Троице, во Единице покланяемая, возьми бремя от мене тяжкое греховное и, яко благоутробна, даждь ми слезы умиления.
И ныне : Богородице, Надежде и Предстательство Тебе поющих, возьми бремя от мене тяжкое греховное и, яко Владычица Чистая, кающася приими мя.
Песнь 2
Ирмос : Вонми, Небо, и возглаголю, и воспою Христа, от Девы плотию пришедшаго.
Вонми, Небо, и возглаголю, земле, внушай глас, кающийся к Богу и воспевающий Его.
Вонми ми, Боже, Спасе мой, милостивным Твоим оком и приими мое теплое исповедание.
Согреших паче всех человек, един согреших Тебе; но ущедри, яко Бог, Спасе, творение Твое.
Буря мя злых обдержит, благоутробне Господи; но яко Петру и мне руку простри.
Слезы блудницы, Щедре, и аз предлагаю, очисти мя, Спасе, благоутробием Твоим.
Омрачих душевную красоту страстей сластьми и всячески весь ум персть сотворих.
Раздрах ныне одежду мою первую, юже ми изтка Зиждитель из начала, и оттуду лежу наг.
Облекохся в раздранную ризу, юже изтка ми змий советом, и стыждуся.
Воззрех на садовную красоту и прельстихся умом: и оттуду лежу наг и срамляюся.
Делаша на хребте моем вси начальницы страстей, продолжающе на мя беззаконие их.
Погубих первозданную доброту и благолепие мое и ныне лежу наг и стыждуся.
Сшиваше кожныя ризы грех мне, обнаживый мя первыя боготканныя одежды.
Обложен есмь одеянием студа, якоже листвием смоковным, во обличение моих самовластных страстей.
Одеяхся в срамную ризу и окровавленную студно течением страстнаго и любосластнаго живота.
Оскверних плоти моея ризу и окалях еже по образу, Спасе, и по подобию.
Впадох в страстную пагубу и в вещественную тлю, и оттоле до ныне враг мне досаждает.
Любовещное и любоименное житие, невоздержанием, Спасе, предпочет ныне, тяжким бременем обложен есмь.
Украсих плотский образ скверных помышлений различным обложением и осуждаюся.
Внешним прилежно благоукрашением единем попекохся, внутреннюю презрев Богообразную скинию.
Вообразив моих страстей безобразие, любосластными стремленьми погубих ума красоту.
Погребох перваго образа доброту, Спасе, страстьми, юже, яко иногда драхму, взыскав, обрящи.
Согреших, якоже блудница, вопию Ти: един согреших Тебе; яко миро, приими, Спасе, и моя слезы.
Поползохся, яко Давид, блудно и осквернихся, но омый и мене, Спасе, слезами.
Очисти, якоже мытарь, вопию Ти, Спасе, очисти мя: никтоже бо сущих из Адама, якоже аз, согреших Тебе.
Ни слез, ниже покаяния имам, ниже умиления. Сам ми сия, Спасе, яко Бог, даруй.
Дверь Твою не затвори мне тогда, Господи, Господи, но отверзи ми сию, кающемуся Тебе.
Человеколюбче, хотяй всем спастися, Ты воззови мя и приими, яко благ, кающагося.
Внуши воздыхания души моея и очию моею приими капли, Спасе, и спаси мя.
Пречистая Богородице Дево, Едина Всепетая, моли прилежно, во еже спастися нам.
Иный. Ирмос : Видите, видите, яко Аз есмь Бог, манну одождивый и воду из камене источивый древле в пустыни людем Моим, десницею единою и крепостию Моею.
Видите, видите, яко Аз есмь Бог, внушай, душе моя, Господа вопиюща, и удалися прежняго греха, и бойся, яко неумытнаго и яко Судии и Бога.
Кому уподобилася еси, многогрешная душе? токмо первому Каину и Ламеху оному, каменовавшая тело злодействы и убившая ум безсловесными стремленьми.
Вся прежде закона претекши, о душе, Сифу не уподобилася еси, ни Еноса подражала еси, ни Еноха преложением, ни Ноя, но явилася еси убога праведных жизни.
Едина отверзла еси хляби гнева Бога Твоего, душе моя, и потопила еси всю, якоже землю, плоть, и деяния, и житие, и пребыла еси вне спасительнаго ковчега.
Мужа убих, глаголет, в язву мне и юношу в струп, Ламех рыдая вопияше; ты же не трепещеши, о душе моя, окалявши плоть и ум осквернивши.
О како поревновах Ламеху, первому убийце, душу, яко мужа, ум, яко юношу, яко брата же моего, тело убив, яко Каин убийца, любосластными стремленьми.
Столп умудрила еси создати, о душе, и утверждение водрузити твоими похотьми, аще не бы Зиждитель удержал советы твоя и низвергл на землю ухищрения твоя.
Уязвихся, уранихся, се стрелы вражия, уязвившия мою душу и тело; се струпи, гноения, омрачения вопиют, раны самовольных моих страстей.
Одожди Господь от Господа огнь иногда на беззаконие гневающее, сожег содомляны; ты же огнь вжегла еси геенский, в немже имаши, о душе, сожещися.
Разумейте и видите, яко Аз есмь Бог, испытаяй сердца и умучаяй мысли, обличаяй деяния, и попаляяй грехи, и судяй сиру, и смирену, и нищу.
Преподобная мати Марие, моли Бога о нас.
Простерла еси руце твои к щедрому Богу, Марие, в бездне зол погружаемая, и якоже Петру человеколюбно руку Божественную простре твое обращение всячески Иский.
Преподобная мати Марие, моли Бога о нас.
Всем усердием и любовию притекла еси Христу, первый греха путь отвращши, и в пустынях непроходимых питающися, и Того чисте совершающи Божественныя заповеди.
Преподобне отче Андрее, моли Бога о нас.
Видим, видим человеколюбие, о душе, Бога и Владыки; сего ради прежде конца тому со слезами припадем вопиюще: Андрея молитвами, Спасе, помилуй нас.
Слава : Безначальная, Несозданная Троице, Нераздельная Единице, кающася мя приими, согрешивша спаси, Твое есмь создание, не презри, но пощади и избави мя огненнаго осуждения.
И ныне : Пречистая Владычице, Богородительнице, Надеждо к Тебе притекающих и пристанище сущих в бури, Милостиваго и Создателя и Сына Твоего умилостиви и мне молитвами Твоими.
Песнь 2
Ирмос : На недвижимом, Христе, камени заповедей Твоих утверди мое помышление.
Огнь от Господа иногда Господь одождив, землю содомскую прежде попали.
На горе спасайся, душе, якоже Лот оный, и в Сигор угонзай.
Бегай запаления, о душе, бегай содомскаго горения, бегай тления Божественнаго пламене.
Исповедаюся Тебе, Спасе, согреших, согреших Ти, но ослаби, остави ми, яко благоутробен.
Согреших Тебе един аз, согреших паче всех, Христе Спасе, да не презриши мене.
Ты еси Пастырь добрый, взыщи мене, агнца, и заблуждшаго да не презриши мене.
Ты еси сладкий Иисусе, Ты еси Создателю мой, в Тебе, Спасе, оправдаюся.
О Троице Единице Боже, спаси нас от прелести, и искушений, и обстояний.
Пресвятая Богородице, спаси нас.
Радуйся, Богоприятная утробо, радуйся, престоле Господень, радуйся, Мати Жизни нашея.
Иный. Ирмос
Источник живота стяжах Тебе, смерти Низложителя, и вопию Ти от сердца моего прежде конца: согреших, очисти, спаси мя.
При Нои, Спасе, блудствовавшия подражах, онех наследствовав осуждение в потопе погружения.
Согреших, Господи, согреших Тебе, очисти мя: несть бо иже кто согреши в человецех, егоже не превзыдох прегрешеньми.
Хама онаго, душе, отцеубийца подражавши, срама не покрыла еси искренняго, вспять зря возвратившися.
Благословения Симова не наследовала еси, душе окаянная, ни пространное одержание, якоже Иафеф, имела еси на земли оставления.
От земли Харран изыди от греха, душе моя, гряди в землю, точащую присноживотное нетление, еже Авраам наследствова.
Авраама слышала еси, душе моя, древле оставльша землю отечества и бывша пришельца, сего произволению подражай.
У дуба Мамврийскаго учредив патриарх ангелы, наследствова по старости обетования ловитву.
Исаака, окаянная душе моя, разумевши новую жертву, тайно всесожженную Господеви, подражай его произволению.
Исмаила слышала еси, трезвися, душе моя, изгнана, яко рабынино отрождение, виждь, да не како подобно что постраждеши, ласкосердствующи.
Агаре древле, душе, египтяныне уподобилася еси, поработившися произволением и рождши новаго Исмаила, презорство.
Иаковлю лествицу разумела еси, душе моя, являемую от земли к Небесем: почто не имела еси восхода тверда, благочестия.
Священника Божия и царя уединена, Христово подобие в мире жития, в человецех подражай.
Не буди столп сланый, душе, возвратившися вспять, образ да устрашит тя содомский, горе в Сигор спасайся.
Запаления, якоже Лот, бегай, душе моя, греха, бегай Содомы и Гоморры, бегай пламене всякаго безсловеснаго желания.
Помилуй, Господи, помилуй мя, вопию Ти, егда приидеши со ангелы Твоими воздати всем по достоянию деяний.
Моления, Владыко, Тебе поющих не отвержи, но ущедри, Человеколюбче, и подаждь верою просящим оставление.
Преподобная мати Марие, моли Бога о нас.
Содержим есмь бурею и треволнением согрешений, но сама мя, мати, ныне спаси и к пристанищу Божественнаго покаяния возведи.
Преподобная мати Марие, моли Бога о нас.
Рабское моление и ныне, преподобная, принесши ко благоутробней молитвами твоими Богородице, отверзи ми Божественныя входы.
Преподобне отче Андрее, моли Бога о нас.
Твоими молитвами даруй и мне оставление долгов, о Андрее, Критский председателю, покаяния бо ты таинник преизрядный.
Слава : Троице Простая, Несозданная, Безначальное Естество, в Троице певаемая Ипостасей, спаси ны, верою покланяющияся державе Твоей.
И ныне : От Отца безлетна Сына в лето, Богородительнице, неискусомужно родила еси, странное чудо, пребывши Дева доящи.
Ирмос : Утверди, Господи, на камени заповедей Твоих подвигшееся сердце мое, яко Един Свят еси и Господь.
Седален, глас 8:
Светила богозрачная, Спасовы апостоли, просветите нас во тьме жития, яко да во дни ныне благообразно ходим, светом воздержания нощных страстей отбегающе, и светлыя страсти Христовы узрим, радующеся.
Слава, другий седален, глас тойже:
Апостольская двоенадесятице Богоизбранная, мольбу Христу ныне принеси, постное поприще всем прейти, совершающим во умилении молитвы, творящим усердно добродетели, яко да сице предварим видети Христа Бога славное Воскресение, славу и хвалу приносяще.
И ныне, Богородичен :
Непостижимаго Бога, Сына и Слово, несказанно паче ума из Тебе рождшееся, моли, Богородице, со апостолы, мир вселенней чистый подати, и согрешений дати нам прежде конца прощение, и Царствия Небеснаго крайния ради благости сподобити рабы Твоя.
Таже трипеснец, глас 8 :
Песнь 4
Ирмос : Услышах, Господи, смотрения Твоего таинство, разумех дела Твоя и прославих Твое Божество.
Воздержанием поживше, просвещеннии Христовы апостоли, воздержания время нам ходатайствы Божественными утишают.
Святии апостоли, молите Бога о нас.
Двоенадесятострунный орган песнь воспе спасительную, учеников лик Божественный, лукавая возмущая гласования.
Святии апостоли, молите Бога о нас.
Одождением духовным всю подсолнечную напоисте, сушу отгнавше многобожия, всеблаженнии.
Пресвятая Богородице, спаси нас.
Смирившася спаси мя, высокомудренно пожившаго, рождшая Вознесшаго смиренное естество, Дево Всечистая.
Иный. Ирмос , глас тойже: Услышах, Господи, смотрения Твоего таинство, разумех дела Твоя и прославих Твое Божество.
Святии апостоли, молите Бога о нас.
Апостольское всечестное ликостояние, Зиждителя всех молящее, проси помиловати ны, восхваляющия тя.
Святии апостоли, молите Бога о нас.
Яко делателе суще, Христовы апостоли, во всем мире Божественным словом возделавшии, приносите плоды Ему всегда.
Святии апостоли, молите Бога о нас.
Виноград бысте Христов воистинну возлюбленный, вино бо духовное источисте миру, апостоли.
Пресвятая Троице, Боже наш, слава Тебе.
Преначальная, Сообразная, Всесильнейшая Троице Святая, Отче, Слове и Душе Святый, Боже, Свете и Животе, сохрани стадо Твое.
Пресвятая Богородице, спаси нас.
Радуйся, престоле огнезрачный, радуйся, светильниче свещеносный, радуйся, горо освящения, ковчеже Жизни, святых святая сене.
Великаго канона Ирмос : Услыша пророк пришествие Твое, Господи, и убояся, яко хощеши от Девы родитися и человеком явитися, и глаголаше: услышах слух Твой и убояхся, слава силе Твоей, Господи.
Дел Твоих да не презриши, создания Твоего да не оставиши, Правосуде. Аще и един согреших, яко человек, паче всякаго человека, Человеколюбче; но имаши, яко Господь всех, власть оставляти грехи.
Приближается, душе, конец, приближается, и нерадиши, ни готовишися, время сокращается: востани, близ при дверех Судия есть. Яко соние, яко цвет, время жития течет: что всуе мятемся?
Воспряни, о душе моя, деяния твоя, яже соделала еси, помышляй, и сия пред лице твое принеси, и капли испусти слез твоих; рцы со дерзновением деяния и помышления Христу и оправдайся.
Не бысть в житии греха, ни деяния, ни злобы, еяже аз, Спасе, не согреших, умом, и словом, и произволением, и предложением, и мыслию, и деянием согрешив, яко ин никтоже когда.
Отсюду осужден бых, отсюду и препрен бых аз, окаянный, от своея совести, еяже ничтоже в мире нужнейше: Судие, Избавителю мой и Ведче, пощади, и избави, и спаси мя, раба Твоего.
Лествица, юже виде древле великий в патриарсех, указание есть, душе моя, деятельнаго восхождения, разумнаго возшествия: аще хощеши убо деянием, и разумом, и зрением пожити, обновися.
Зной дневный претерпе лишения ради патриарх и мраз нощный понесе, на всяк день снабдения творя, пасый, труждаяйся, работаяй, да две жене сочетает.
Жены ми две разумей, деяние же и разум в зрении, Лию убо деяние, яко многочадную, Рахиль же разум, яко многотрудную; ибо кроме трудов ни деяние, ни зрение, душе, исправится.
Бди, о душе моя, изрядствуй, якоже древле великий в патриарсех, да стяжеши деяние с разумом, да будеши ум, зряй Бога, и достигнеши незаходящий мрак в видении, и будеши великий купец.
Дванадесяте патриархов великий в патриарсех детотворив, тайно утверди тебе лествицу деятельнаго, душе моя, восхождения: дети, яко основания, степени, яко восхождения, премудренно подложив.
Исава возненавиденнаго подражала еси, душе, отдала еси прелестнику твоему первыя доброты первенство, и отеческия молитвы отпала еси, и дважды поползнулася еси, окаянная, деянием и разумом: темже ныне покайся.
Едом Исав наречеся, крайняго ради женонеистовнаго смешения: невоздержанием бо присно разжигаем и сластьми оскверняем, Едом именовася, еже глаголется разжжение души любогреховныя.
Иова на гноищи слышавши, о душе моя, оправдавшагося, того мужеству не поревновала еси, твердаго не имела еси предложения во всех, яже веси, и имиже искусилася еси, но явилася еси нетерпелива.
Иже первее на престоле, наг ныне на гноище гноен, многий в чадех и славный, безчаден и бездомок напрасно: палату убо гноище и бисерие струпы вменяше.
Царским достоинством, венцем и багряницею одеян, многоименный человек и праведный, богатством кипя и стады, внезапу богатства, славы царства, обнищав, лишися.
Аще праведен бяше он и непорочен паче всех, и не убеже ловления льстиваго и сети; ты же грехолюбива сущи, окаянная душе, что сотвориши, аще чесому от недоведомых случится наити тебе?
Тело осквернися, дух окаляся, весь острупихся, но яко врач, Христе, обоя покаянием моим уврачуй, омый, очисти, покажи, Спасе мой, паче снега чистейша.
Тело Твое и кровь, распинаемый о всех, положил еси, Слове: тело убо, да мя обновиши, кровь, да омыеши мя. Дух же предал еси, да мя приведеши, Христе, Твоему Родителю.
Соделал еси спасение посреде земли, Щедре, да спасемся. Волею на древе распялся еси, Едем затворенный отверзеся, горняя и дольняя тварь, языцы вси спасени покланяются Тебе.
Да будет ми купель кровь из ребр Твоих, вкупе и питие, источившее воду оставления, да обоюду очищаюся, помазуяся и пия, яко помазание и питие, Слове, животочная Твоя словеса.
Наг есмь чертога, наг есмь и брака, купно и вечери, светильник угасе, яко безъелейный, чертог заключися мне спящу, вечеря снедеся, аз же по руку и ногу связан, вон низвержен есмь.
Чашу Церковь стяжа, ребра Твоя живоносная, из нихже сугубыя нам источи токи оставления и разума, во образ древняго и новаго, двоих вкупе заветов, Спасе наш.
Время живота моего мало и исполнено болезней и лукавства, но в покаянии мя приими и в разум призови, да не буду стяжание, ни брашно чуждему, Спасе, Сам мя ущедри.
Высокоглаголив ныне есмь, жесток же и сердцем, вотще и всуе, да не с фарисеем осудиши мя. Паче же мытарево смирение подаждь ми, Едине Щедре, Правосуде, и сему мя сочисли.
Согреших, досадив сосуду плоти моея, вем, Щедре, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.
Самоистукан бых страстьми, душу мою вредя, Щедре, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.
Не послушах гласа Твоего, преслушах Писание Твое, Законоположника, но в покаянии мя приими и в разум призови, да не буду стяжание ни брашно чуждему, Спасе, Сам мя ущедри.
Пресвятая Троице, Боже наш, слава Тебе.
Преподобная мати Марие, моли Бога о нас.
Безплотных жительство в плоти преходящи, благодать, преподобная, к Богу велию воистинну прияла еси, верно о чтущих тя предстательствуй. Темже молим тя, от всяких напастей и нас молитвами твоими избави.
Преподобная мати Марие, моли Бога о нас.
Великих безместий во глубину низведшися, неодержима была еси, но востекла еси помыслом лучшим к крайней деяньми яве добродетели преславно, ангельское естество, Марие, удививши.
Преподобне отче Андрее, моли Бога о нас.
Андрее, отеческая похвало, молитвами твоими не престай, моляся, предстоя Троице Пребожественней, яко да избавимся мучения, любовию предстателя тя Божественнаго, всеблаженне, призывающии, Криту удобрение.
Слава : Нераздельное Существом, Неслитное Лицы богословлю Тя, Троическое Едино Божество, яко Единоцарственное и Сопрестольное, вопию Ти песнь великую, в вышних трегубо песнословимую.
И ныне : И раждаеши, и девствуеши, и пребываеши обоюду естеством Дева, Рождейся обновляет законы естества, утроба же раждает нераждающая. Бог идеже хощет, побеждается естества чин: творит бо, елика хощет.
Песнь 5
Ирмос : От нощи утренююща, Человеколюбче, просвети, молюся, и настави и мене на повеления Твоя, и научи мя, Спасе, творити волю Твою.
В нощи житие мое преидох присно, тьма бо бысть, и глубока мне мгла, нощь греха, но яко дне сына, Спасе, покажи мя.
Рувима подражая, окаянный аз содеях беззаконный и законопреступный совет на Бога Вышняго, осквернив ложе мое, яко отчее он.
Исповедаюся Тебе, Христе Царю: согреших, согреших, яко прежде Иосифа братия продавшии, чистоты плод и целомудрия.
От сродников праведная душа связася, продася в работу сладкий во образ Господень; ты же вся, душе, продалася еси злыми твоими.
Иосифа праведнаго и целомудреннаго ума подражай, окаянная и неискусная душе, и не оскверняйся безсловесными стремленьми, присно беззаконнующи.
Аще и в рове поживе иногда Иосиф, Владыко Господи, но во образ погребения и востания Твоего: аз же что Тебе когда сицевое принесу?
Моисеов слышала еси ковчежец, душе, водами, волнами носим речными, яко в чертозе древле бегающий дела, горькаго совета фараонитска.
Аще бабы слышала еси, убивающия иногда безвозрастное мужеское, душе окаянная, целомудрия деяние, ныне, яко великий Моисей, сси премудрость.
Яко Моисей великий египтянина, ума, уязвивши, окаянная, не убила еси, душе; и како вселишися, глаголи, в пустыню страстей покаянием?
В пустыню вселися великий Моисей; гряди убо, подражай того житие, да и в купине Богоявления, душе, в видении будеши.
Моисеов жезл воображай, душе, ударяющий море и огустевающий глубину во образ Креста Божественнаго: имже можеши и ты великая совершити.
Аарон приношаше огнь Богу непорочный, нелестный; но Офни и Финеес, яко ты, душе, приношаху чуждее Богу, оскверненное житие.
Яко тяжкий нравом, фараону горькому бых, Владыко, Ианни и Иамври, душею и телом, и погружен умом, но помози ми.
Калу примесихся, окаянный, умом, омый мя, Владыко, банею моих слез, молю Тя, плоти моея одежду убелив яко снег.
Аще испытаю моя дела, Спасе, всякаго человека превозшедша грехами себе зрю, яко разумом мудрствуяй, согреших не неведением.
Пощади, пощади, Господи, создание Твое, согреших, ослаби ми, яко естеством чистый Сам сый Един, и ин разве Тебе никтоже есть кроме скверны.
Мене ради Бог сый, вообразился еси в мя, показал еси чудеса, исцелив прокаженныя и разслабленнаго стягнув, кровоточивыя ток уставил еси, Спасе, прикосновением риз.
Кровоточивую подражай, окаянная душе, притецы, удержи ометы Христовы, да избавишися ран и услышиши от Него: вера твоя спасе тя.
Низу сничащую подражай, о душе, прииди, припади к ногама Иисусовыма, да тя исправит, и да ходиши право стези Господни.
Аще и кладязь еси глубокий, Владыко, источи ми воду из пречистых Твоих жил, да, яко самаряныня, не ктому, пияй, жажду: жизни бо струи источаеши.
Силоам да будут ми слезы моя, Владыко Господи, да умыю и аз зеницы сердца и вижду Тя умно, Света превечна.
Преподобная мати Марие, моли Бога о нас.
Несравненным желанием, всебогатая, древу возжелевши поклонитися животному, сподобилася еси желания, сподоби убо и мене улучити вышния славы.
Преподобная мати Марие, моли Бога о нас.
Струи Иорданския прешедши, обрела еси покой безболезненный, плоти сласти избежавши, еяже и нас изми твоими молитвами, преподобная.
Яко пастырей изряднейша, Андрее премудре, избранна суща тя, любовию велиею и страхом молю, твоими молитвами спасение улучити и жизнь вечную.
Слава : Тя, Троице, славим, Единаго Бога: Свят, Свят, Свят еси, Отче, Сыне и Душе, Простое Существо, Единице присно покланяемая.
И ныне : Из Тебе облечеся в мое смешение, нетленная, безмужная Мати Дево, Бог, создавый веки, и соедини Себе человеческое естество.
Песнь 6
Ирмос
Слезы, Спасе, очию моею и из глубины воздыхания чисте приношу, вопиющу сердцу: Боже, согреших Ти, очисти мя.
Уклонилася еси, душе, от Господа твоего, якоже Дафан и Авирон, но пощади, воззови из ада преисподняго, да не пропасть земная тебе покрыет.
Яко юница, душе, разсвирепевшая, уподобилася еси Ефрему, яко серна от тенет сохрани житие, вперивши деянием ум и зрением.
Рука нас Моисеова да уверит, душе, како может Бог прокаженное житие убелити и очистити, и не отчайся сама себе, аще и прокаженна еси.
Волны, Спасе, прегрешений моих, яко в мори Чермнем возвращающеся, покрыша мя внезапу, яко египтяны иногда и тристаты.
Неразумное, душе, произволение имела еси, яко прежде Израиль: Божественныя бо манны предсудила еси безсловесно любосластное страстей объядение.
Кладенцы, душе, предпочла еси хананейских мыслей паче жилы камене, из негоже премудрости река, яко чаша, проливает токи богословия.
Свиная мяса и котлы и египетскую пищу паче Небесныя предсудила еси, душе моя, якоже древле неразумнии людие в пустыни.
Яко удари Моисей, раб Твой, жезлом камень, образно животворивая ребра Твоя прообразоваше, из нихже вси питие жизни, Спасе, почерпаем.
Испытай, душе, и смотряй, якоже Иисус Навин, обетования землю, какова есть, и вселися в ню благозаконием.
Востани и побори, яко Иисус Амалика, плотския страсти, и гаваониты, лестныя помыслы, присно побеждающи.
Прейди времене текущее естество, яко прежде ковчег, и земли оныя буди во одержании обетования, душе, Бог повелевает.
Яко спасл еси Петра, возопивша, спаси, предварив мя, Спасе, от зверя избави, простер Твою руку, и возведи из глубины греховныя.
Пристанище Тя вем утишное, Владыко, Владыко Христе, но от незаходимых глубин греха и отчаяния мя, предварив, избави.
Аз есмь, Спасе, юже погубил еси древле царскую драхму; но вжег светильник, Предтечу Твоего, Слове, взыщи и обрящи Твой образ.
Преподобная мати Марие, моли Бога о нас.
Да страстей пламень угасиши, слез капли источала еси присно, Марие, душею распалаема, ихже благодать подаждь и мне, твоему рабу.
Преподобная мати Марие, моли Бога о нас.
Безстрастие Небесное стяжала еси крайним на земли житием, мати. Темже тебе поющим, от страстей избавитися молитвами твоими молися.
Преподобный отче Андрее, моли Бога о нас.
Критскаго тя пастыря и председателя и вселенныя молитвенника ведый, притекаю, Андрее, и вопию ти: изми мя, отче, из глубины греха.
Слава : Троица есмь Проста, Нераздельна, раздельна Личне и Единица есмь естеством соединена, Отец глаголет, и Сын, и Божественный Дух.
И ныне : Утроба Твоя Бога нам роди, воображена по нам: Егоже, яко Создателя всех, моли, Богородице, да молитвами Твоими оправдимся.
Ирмос : Возопих всем сердцем моим к щедрому Богу, и услыша мя от ада преисподняго, и возведе от тли живот мой.
Кондак, глас 6:
Душе моя, душе моя, востани, что спиши? конец приближается, и имаши смутитися: воспряни убо, да пощадит тя Христос Бог, везде сый и вся исполняяй.
Икос:
Христово врачевство видя отверсто и от сего Адаму истекающее здравие, пострада, уязвися диавол и, яко бедствуя, рыдаше и своим другом возопи: что сотворю Сыну Мариину, убивает мя Вифлеемлянин, Иже везде сый и вся исполняяй.
Таже блаженны, глас 6:
Во Царствии Твоем помяни нас, Господи.
Разбойника, Христе, рая жителя сотворил еси, на кресте Тебе возопивша: помяни мя; того покаянию сподоби и мене, недостойнаго.
Блажени нищии духом, яко тех есть Царство Небесное.
Маноя слышавши древле, душе моя, Бога в явлении бывша и из неплодове тогда приемша плод обетования, того благочестие подражай.
Блажени плачущии, яко тии утешатся.
Сампсоновой поревновавши лености, главу остригла еси, душе, дел твоих, предавши иноплеменником любосластием целомудренную жизнь и блаженную.
Блажени кротции, яко тии наследят землю.
Прежде челюстию ослею победивый иноплеменники, ныне пленение ласкосердству страстному обретеся; но избегни, душе моя, подражания, деяния и слабости.
Блажени алчущии и жаждущии правды, яко тии насытятся.
Варак и Иеффай военачальницы, судии Израилевы предпочтени быша, с нимиже Деворра мужеумная; тех доблестьми, душе, вмужившися, укрепися.
Блажени милостивии, яко тии помиловани будут.
Иаилино храбрство познала еси, душе моя, Сисара древле прободшую и спасение соделавшую древом острым, слышиши, имже тебе крест образуется.
Блажени чистии сердцем, яко тии Бога узрят.
Пожри, душе, жертву похвальную, деяние, яко дщерь, принеси от Иеффаевы чистейшую и заколи, яко жертву, страсти плотския Господеви твоему.
Блажени миротворцы, яко тии сынове Божии нарекутся.
Гедеоново руно помышляй, душе моя, с небесе росу подыми и приникни, якоже пес, и пий воду, от закона текущую, изгнетением письменным.
Блажени изгнани правды ради, яко тех есть Царство Небесное.
Илии священника осуждение, душе моя, восприяла еси, лишением ума приобретши страсти себе, якоже он чада, делати беззаконная.
Блажени есте, егда поносят вам и изженут и рекут всяк зол глагол на вы лжуще, Мене ради.
В судиях левит небрежением свою жену дванадесятим коленом раздели, душе моя, да скверну обличит от Вениамина беззаконную.
Радуйтеся и веселитеся, яко мзда ваша многа на Небесех.
Любомудренная Анна молящися, устне убо двизаше ко хвалению, глас же ея не слышашеся, но обаче неплодна сущи, сына молитвы раждает достойна.
Помяни нас, Господи, егда приидеши во Царствии Твоем.
В судиях спричтеся Аннино порождение, великий Самуил, егоже воспитала Армафема в дому Господни; тому поревнуй, душе моя, и суди прежде инех дела твоя.
Помяни нас, Владыко, егда приидеши во Царствии Твоем.
Давид на царство избран, царски помазася рогом Божественного мира; ты убо, душе моя, аще хощеши вышняго Царствия, миром помажися слезами.
Помяни нас, Святый, егда приидеши во Царствии Твоем.
Помилуй создание Твое, Милостиве, ущедри руку Твоею творение и пощади вся согрешившия, и мене паче всех, Твоих презревшаго повелений.
Слава : Безначальну и рождению же и происхождению Отцу покланяюся рождшему, Сына славлю рожденнаго, пою сопросиявшаго Отцу же и Сыну Духа Святаго.
И ныне : Преестественному Рождеству Твоему покланяемся, по естеству славы Младенца Твоего не разделяюще, Богородительнице: Иже бо Един Лицем, сугубыми исповедуется естествы.
Песнь 7
Ирмос : Согрешихом, беззаконновахом, неправдовахом пред Тобою, ниже соблюдохом, ниже сотворихом, якоже заповедал еси нам; но не предаждь нас до конца, отцев Боже.
Согреших, беззаконновах и отвергох заповедь Твою, яко во гресех произведохся, и приложих язвам струпы себе; но Сам мя помилуй, яко благоутробен, отцев Боже.
Тайная сердца моего исповедах Тебе, Судии моему, виждь мое смирение, виждь и скорбь мою, и вонми суду моему ныне, и Сам мя помилуй, яко благоутробен, отцев Боже.
Саул иногда, яко погуби отца своего, душе, ослята, внезапу царство обрете к прослутию; но блюди, не забывай себе, скотския похоти твоя произволивши паче Царства Христова.
Давид иногда Богоотец, аще и согреши сугубо, душе моя, стрелою убо устрелен быв прелюбодейства, копием же пленен быв убийства томлением; но ты сама тяжчайшими делы недугуеши, самохотными стремленьми.
Совокупи убо Давид иногда беззаконию беззаконие, убийству же любодейство растворив, покаяние сугубое показа абие; но сама ты, лукавнейшая душе, соделала еси, не покаявшися Богу.
Давид иногда вообрази, списав яко на иконе песнь, еюже деяние обличает, еже содея, зовый: помилуй мя, Тебе бо Единому согреших всех Богу, Сам очисти мя.
Кивот яко ношашеся на колеснице, Зан оный, егда превращшуся тельцу, точию коснуся, Божиим искусися гневом; но того дерзновения убежавши, душе, почитай Божественная честне.
Слышала еси Авессалома, како на естество воста, познала еси того скверная деяния, имиже оскверни ложе Давида отца; но ты подражала еси того страстная и любосластная стремления.
Покорила еси неработное твое достоинство телу твоему, иного бо Ахитофела обретши врага, душе, снизшла еси сего советом; но сия разсыпа Сам Христос, да ты всяко спасешися.
Соломон чудный и благодати премудрости исполненный, сей лукавое иногда пред Богом сотворив, отступи от Него; емуже ты проклятым твоим житием, душе, уподобилася еси.
Сластьми влеком страстей своих, оскверняшеся, увы мне, рачитель премудрости, рачитель блудных жен, и странен от Бога; егоже ты подражала еси умом, о душе, сладострастьми скверными.
Ровоаму поревновала еси, не послушавшему совета отча, купно же и злейшему врагу Иеровоаму, прежнему отступнику, душе, но бегай подражания и зови Богу: согреших, ущедри мя.
Ахаавовым поревновала еси сквернам, душе моя, увы мне, была еси плотских скверн пребывалище и сосуд срамлен страстей, но из глубины твоея воздохни и глаголи Богу грехи твоя.
Попали Илия иногда дващи пятьдесят Иезавелиных, егда студныя пророки погуби во обличение Ахаавово, но бегай подражания двою, душе, и укрепляйся.
Заключися тебе небо, душе, и глад Божий постиже тя, егда Илии Фесвитянина, якоже Ахаав, не покорися словесем иногда, но Сараффии уподобися, напитай пророчу душу.
Манассиева собрала еси согрешения изволением, поставльши, яко мерзости, страсти, и умноживши, душе, негодование, но того покаянию ревнующи тепле, стяжи умиление.
Припадаю Ти и приношу Тебе, якоже слезы, глаголы моя: согреших, яко не согреши блудница, и беззаконновах, яко иный никтоже на земли. Но ущедри, Владыко, творение Твое и воззови мя.
Погребох образ Твой и растлих заповедь Твою, вся помрачися доброта, и страстьми угасися, Спасе, свеща. Но, ущедрив, воздаждь ми, якоже поет Давид, радование.
Обратися, покайся, открый сокровенная, глаголи Богу, вся ведущему: Ты веси моя тайная, едине Спасе. Но Сам мя помилуй, якоже поет Давид, по милости Твоей.
Исчезоша дние мои, яко соние востающаго; темже, яко Езекия, слезю на ложи моем, приложитися мне летом живота. Но кий Исаия предстанет тебе, душе, аще не всех Бог?
Преподобная мати Марие, моли Бога о нас.
Возопивши к Пречистей Богоматери, первее отринула еси неистовство страстей, нужно стужающих, и посрамила еси врага запеншаго. Но даждь ныне помощь от скорби и мне, рабу твоему.
Преподобная мати Марие, моли Бога о нас.
Егоже возлюбила еси, Егоже возжелела еси, Егоже ради плоть изнурила еси, преподобная, моли ныне Христа о рабех: яко да милостив быв всем нам, мирное состояние дарует почитающим Его.
Преподобне отче Андрее, моли Бога о нас.
На камени мя веры молитвами твоими утверди, отче, страхом мя Божественным ограждая, и покаяние, Андрее, подаждь ми, молюся ти, и избави мя от сети врагов, ищущих мя.
Слава : Троице Простая, Нераздельная, Единосущная и Естество Едино, Светове и Свет, и Свята Три, и Едино Свято поется Бог Троица; но воспой, прослави Живот и Животы, душе, всех Бога.
И ныне : Поем Тя, благословим Тя, покланяемся Ти, Богородительнице, яко Неразлучныя Троицы породила еси Единаго Христа Бога и Сама отверзла еси нам, сущим на земли, Небесная.
Трипеснец, глас 8:
Песнь 8
Ирмос : Безначальнаго Царя славы, Егоже трепещут Небесныя силы, пойте, священницы, людие, превозносите во вся веки.
Святии апостоли, молите Бога о нас.
Яко углие невещественнаго огня, попалите вещественныя страсти моя, возжизающе ныне во мне желание Божественныя любве, апостоли.
Святии апостоли, молите Бога о нас.
Трубы благогласныя Слова почтим, имиже падоша стены неутверждены вражия и богоразумия утвердишася забрала.
Святии апостоли, молите Бога о нас.
Кумиры страстныя души моея сокрушите, иже храмы и столпы сокрушисте врага, апостоли Господни, храмове освященнии.
Пресвятая Богородице, спаси нас.
Вместила еси Невместимаго естеством, носила еси Носящаго вся, доила еси, Чистая, питающаго тварь Христа Жизнодавца.
Иный трипеснец. Ирмос : Безначальнаго Царя:
Святии апостоли, молите Бога о нас.
Духа началохитростием создавше всю Церковь, апостоли Христовы, в ней благословите Христа во веки.
Святии апостоли, молите Бога о нас.
Вострубивше трубою учений, низвергоша апостоли всю лесть идольскую, Христа превозносяща во вся веки.
Святии апостоли, молите Бога о нас.
Апостоли, доброе преселение, назирателие мира и Небеснии жителие, вас присно восхваляющия избавите от бед.
Пресвятая Троице, Боже наш, слава Тебе.
Трисолнечное Всесветлое Богоначалие, Единославное и Единопрестольное Естеству, Отче Вседетелю, Сыне и Божественный Душе, пою Тя во веки.
Пресвятая Богородице, спаси нас.
Яко честный и превышший престол, воспоим Божию Матерь непрестанно, людие, Едину по рождестве Матерь и Деву.
Великаго канона Ирмос
Согрешивша, Спасе, помилуй, воздвигни мой ум ко обращению, приими мя кающагося, ущедри вопиюща: согреших Ти, спаси, беззаконновах, помилуй мя.
Колесничник Илия колесницею добродетелей вшед, яко на небеса, ношашеся превыше иногда от земных; сего убо, душе моя, восход помышляй.
Иорданова струя первее милотию Илииною Елиссеем ста сюду и сюду; ты же, о душе моя, сея не причастилася еси благодати за невоздержание.
Елиссей иногда прием милоть Илиину, прият сугубую благодать от Бога; ты же, о душе моя, сея не причастилася еси благодати за невоздержание.
Соманитида иногда праведнаго учреди, о душе, нравом благим; ты же не ввела еси в дом ни странна, ни путника. Темже чертога изринешися вон, рыдающи.
Гиезиев подражала еси, окаянная, разум скверный всегда, душе, егоже сребролюбие отложи поне на старость; бегай геенскаго огня, отступивши злых твоих.
Ты Озии, душе, поревновавши, сего прокажение в себе стяжала еси сугубо: безместная бо мыслиши, беззаконная же дееши; остави, яже имаши, и притецы к покаянию.
Ниневитяны, душе, слышала еси кающияся Богу, вретищем и пепелом, сих не подражала еси, но явилася еси злейшая всех, прежде закона и по законе прегрешивших.
В рове блата слышала еси Иеремию, душе, града Сионя рыданьми вопиюща и слез ищуща; подражай сего плачевное житие и спасешися.
Иона в Фарсис побеже, проразумев обращение ниневитянов, разуме бо, яко пророк, Божие благоутробие: темже ревноваше пророчеству не солгатися.
Даниила в рове слышала еси, како загради уста, о душе, зверей; уведела еси, како отроцы, иже о Азарии, погасиша верою пещи пламень горящий.
Ветхаго Завета вся приведох ти, душе, к подобию; подражай праведных боголюбивая деяния, избегни же паки лукавых грехов.
Правосуде Спасе, помилуй и избави мя огня и прещения, еже имам на суде праведно претерпети; ослаби ми прежде конца, добродетелию и покаянием.
Яко разбойник, вопию Ти: помяни мя; яко Петр, плачу горце: ослаби ми, Спасе; зову, яко мытарь, слезю, яко блудница; приими мое рыдание, якоже иногда хананеино.
Гноение, Спасе, исцели смиренныя моея души, Едине Врачу, пластырь мне наложи, и елей, и вино, дела покаяния, умиление со слезами.
Хананею и аз подражая, помилуй мя, вопию, Сыне Давидов; касаюся края ризы, яко кровоточивая, плачу, яко Марфа и Мария над Лазарем.
Слезную, Спасе, сткляницу яко миро истощавая на главу, зову Ти, якоже блудница, милости ищущая, мольбу приношу и оставление прошу прияти.
Аще и никтоже, якоже аз, согреши Тебе, но обаче приими и мене, благоутробне Спасе, страхом кающася и любовию зовуща: согреших Тебе Единому, помилуй мя, Милостиве.
Пощади, Спасе, Твое создание и взыщи, яко Пастырь, погибшее, предвари заблуждшаго, восхити от волка, сотвори мя овча на пастве Твоих овец.
Егда, Судие, сядеши, яко благоутробен, и покажеши страшную славу Твою, Спасе, о каковый страх тогда, пещи горящей, всем боящимся нестерпимаго судища Твоего.
Преподобная мати Марие, моли Бога о нас.
Света незаходимаго Мати тя просветивши, от омрачения страстей разреши. Темже вшедши в духовную благодать, просвети, Марие, тя верно восхваляющия.
Преподобная мати Марие, моли Бога о нас.
Чудо ново видев, ужасашеся божественный в тебе воистинну, мати, Зосима: ангела бо зряше во плоти и ужасом весь исполняшеся, Христа поя во веки.
Преподобне отче Андрее, моли Бога о нас.
Яко дерзновение имый ко Господу, Андрее Критский, честная похвало, молю, молися разрешение от уз беззакония ныне обрести мне молитвами твоими, яко покаяния учитель и преподобных слава.
Благословим Отца и Сына и Святаго Духа Господа.
Безначальне Отче, Сыне Собезначальне, Утешителю Благий, Душе Правый, Слова Божия Родителю, Отца Безначальна Слове, Душе Живый и Зиждяй, Троице Единице, помилуй мя.
И ныне и присно и во веки веков.
Яко от оброщения червленицы, Пречистая, умная багряница Еммануилева внутрь во чреве Твоем плоть исткася. Темже Богородицу воистинну Тя почитаем.
Хвалим, благословим, покланяемся Господеви, поюще и превозносяще во вся веки.
Ирмос : Егоже воинства Небесная славят, и трепещут херувими и серафими, всяко дыхание и тварь, пойте, благословите и превозносите во вся веки.
Поем Честнейшую:
Трипеснец, глас 8:
Песнь 9
Ирмос : Воистинну Богородицу Тя исповедуем, спасеннии Тобою, Дево чистая, с безплотными лики Тя величающе.
Святии апостоли, молите Бога о нас.
Источницы спасительныя воды явльшеся апостоли, истаявшую душу мою греховною жаждою оросите.
Святии апостоли, молите Бога о нас.
Плавающаго в пучине погибели и в погружении уже бывша Твоею десницею, якоже Петра, Господи, спаси мя.
Святии апостоли, молите Бога о нас.
Яко соли, вкусных суще учений, гнильство ума моего изсушите и неведения тьму отжените.
Пресвятая Богородице, спаси нас.
Радость яко родившая, плач мне подаждь, имже Божественное утешение, Владычице, в будущем дни обрести возмогу.
Иный. Ирмос : Тя, Небесе и земли Ходатаицу:
Святии апостоли, молите Бога о нас.
Тя, благославное апостольское собрание, песньми величаем: вселенней бо светила светлая явистеся, прелесть отгоняще.
Святии апостоли, молите Бога о нас.
Благовестною мрежею вашею словесныя рыбы уловивше, сия приносите всегда снедь Христу, апостоли блаженнии.
Святии апостоли, молите Бога о нас.
К Богу вашим прошением помяните нас, апостоли, от всякаго избавитися искушения, молимся, любовию воспевающия вас.
Пресвятая Троице, Боже наш, слава Тебе.
Тя, Триипостасную Единицу, Отче, Сыне со Духом, Единаго Бога Единосущна пою, Троицу Единосильную Безначальную.
Пресвятая Богородице, спаси нас.
Тя, Детородительницу и Деву, вси роди ублажаем, яко Тобою избавльшеся от клятвы: радость бо нам родила еси, Господа.
Великаго канона Ирмос : Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.
Ум острупися, тело оболезнися, недугует дух, слово изнеможе, житие умертвися, конец при дверех. Темже, моя окаянная душе, что сотвориши, егда приидет Судия испытати твоя?
Моисеово приведох ти, душе, миробытие и от того все заветное Писание, поведающее тебе праведныя и неправедныя; от нихже вторыя, о душе, подражала еси, а не первыя, в Бога согрешивши.
Закон изнеможе, празднует Евангелие, Писание же все в тебе небрежено бысть, пророцы изнемогоша, и все праведное слово; струпи твои, о душе, умножишася, не сущу врачу, исцеляющему тя.
Новаго привожду ти Писания указания, вводящая тя, душе, ко умилению: праведным убо поревнуй, грешных же отвращайся и умилостиви Христа молитвами же, и пощеньми, и чистотою, и говением.
Христос вочеловечися, призвав к покаянию разбойники и блудницы; душе, покайся, дверь отверзеся Царствия уже, и предвосхищают е фарисее, и мытари, и прелюбодеи кающиися.
Христос вочеловечися, плоти приобщився ми, и вся елика суть естества хотением исполни греха кроме, подобие тебе, о душе, и образ предпоказуя Своего снисхождения.
Христос волхвы спасе, пастыри созва, младенец множества показа мученики, старцы прослави и старыя вдовицы, ихже не поревновала еси, душе, ни деянием, ни житию, но горе тебе, внегда будеши судитися.
Постився Господь дний четыредесять в пустыни, последи взалка, показуя человеческое; душе, да не разленишися, аще тебе приложится враг, молитвою же и постом от ног твоих да отразится.
Христос искушашеся, диавол искушаше, показуя камение, да хлеби будут, на гору возведе видети вся царствия мира во мгновении; убойся, о душе, ловления, трезвися, молися на всякий час Богу.
Горлица пустыннолюбная, глас вопиющаго возгласи, Христов светильник, проповедуяй покаяние, Ирод беззаконнова со Иродиадою. Зри, душе моя, да не увязнеши в беззаконныя сети, но облобызай покаяние.
В пустыню вселися благодати Предтеча, и Иудея вся и Самария слышавше течаху и исповедаху грехи своя, крещающеся усердно: ихже ты не подражала еси, душе.
Брак убо честный и ложе нескверно, обоя бо Христос прежде благослови, плотию ядый, и в Кане же на браце воду в вино совершая, и показуя первое чудо, да ты изменишися, о душе.
Разслабленнаго стягну Христос, одр вземша, и юношу умерша воздвиже, вдовиче рождение, и сотнича отрока, и самаряныне явися, в дусе службу тебе, душе, предживописа.
Кровоточивую исцели прикосновением края ризна Господь, прокаженныя очисти, слепыя и хромыя просветив, исправи, глухия же и немыя и ничащия низу исцели словом: да ты спасешися, окаянная душе.
Недуги исцеляя, нищим благовествоваше Христос Слово, вредныя уврачева, с мытари ядяше, со грешники беседоваше, Иаировы дщере душу предумершую возврати осязанием руки.
Мытарь спасашеся, и блудница целомудрствоваше, и фарисей, хваляся, осуждашеся. Ов убо: очисти мя; ова же: помилуй мя; сей же величашеся вопия: Боже, благодарю Тя, и прочия безумныя глаголы.
Закхей мытарь бе, но обаче спасашеся, и фарисей Симон соблажняшеся, и блудница приимаше оставительная разрешения от Имущаго крепость оставляти грехи, юже, душе, потщися подражати.
Блуднице, о окаянная душе моя, не поревновала еси, яже приимши мира алавастр, со слезами мазаше нозе Спасове, отре же власы, древних согрешений рукописание Раздирающаго ея.
Грады, имже даде Христос благовестие, душе моя, уведала еси, како прокляти быша. Убойся указания, да не будеши якоже оны, ихже содомляном Владыка уподобив, даже до ада осуди.
Да не горшая, о душе моя, явишися отчаянием, хананеи веру слышавшая, еяже дщи словом Божиим исцелися; Сыне Давидов, спаси и мене, воззови из глубины сердца, якоже она Христу.
Умилосердися, спаси мя, Сыне Давидов, помилуй, беснующияся словом исцеливый, глас же благоутробный, яко разбойнику, мне рцы: аминь, глаголю тебе, со Мною будеши в раи, егда прииду во славе Моей.
Разбойник оглаголоваше Тя, разбойник богословяше Тя: оба бо на кресте свисяста. Но, о Благоутробне, яко верному разбойнику Твоему, познавшему Тя Бога, и мне отверзи дверь славнаго Царствия Твоего.
Тварь содрогашеся, распинаема Тя видящи, горы и камения страхом распадахуся, и земля сотрясашеся, и ад обнажашеся, и соомрачашеся свет во дне, зря Тебе, Иисусе, пригвождена ко Кресту.
Достойных покаяния плодов не истяжи от мене, ибо крепость моя во мне оскуде; сердце мне даруй присно сокрушенное, нищету же духовную: да сия Тебе принесу яко приятную жертву, едине Спасе.
Судие мой и Ведче мой, хотяй паки приити со ангелы судити миру всему, милостивным Твоим оком тогда видев мя, пощади и ущедри мя, Иисусе, паче всякаго естества человеча согрешивша.
Преподобная мати Марие, моли Бога о нас.
Удивила еси всех странным житием твоим, ангелов чины и человеков соборы, невещественно поживши и естество прешедши; имже, яко невещественныма ногама вшедши, Марие, Иордан прешла еси.
Преподобная мати Марие, моли Бога о нас.
Умилостиви Создателя о хвалящих тя, преподобная мати, избавитися озлоблений и скорбей, окрест нападающих: да избавившеся от напастей, возвеличим непрестанно прославльшаго тя Господа.
Преподобне отче Андрее, моли Бога о нас.
Андрее честный и отче треблаженнейший, пастырю Критский, не престай моляся о воспевающих тя: да избавимся вси гнева, и скорби, и тления, и прегрешений безмерных, чтущии твою память верно.
Слава : Троице Единосущная, Единице Триипостасная, Тя воспеваем, Отца славяще, Сына величающе и Духу покланяющеся, Единому Естеству воистинну Богу, Жизни же и живущему Царству безконечному.
И ныне : Град Твой сохраняй, Богородительнице Пречистая, в Тебе бо сей верно царствуяй, в Тебе и утверждается, и Тобою побеждаяй, побеждает всякое искушение, и пленяет ратники, и проходит послушание.
Таже оба лика вкупе поют Ирмос :
Безсеменнаго зачатия Рождество несказанное, Матере безмужныя нетленен Плод, Божие бо Рождение обновляет естества. Темже Тя вси роди, яко Богоневестную Матерь, православно величаем.
